Racom Maubisse, 25/06/2022, Moras ne’ebe as Liu iha HRMBS Hahu Husi Fulan Janeiro Mai To’o fulan Maiu, Moras Dengue, maibe ba oras ne’e dadaun moras dengue komesa menus ona, tamba hetan atendementu husi mediku sira ho maksimu, ikus mai moras dengue komesa menus ona, maibe nafatin anticipa liu husi atendementu ne’ebe maksimu nune’e moras dengue labele aumenta.
Ba Radio Komunidade maubisse Mauloko, Dra. Gabriela da Conceição Magno Pereira: haktuir katak;
“Hanesan Directora Ezecutiva hanesan medico jeral ida, nomos hanesan diretora ezecutiva hospital referral maubisse, buka esforsmu makas ho meus oi oin nune’e bele hamutuk ho parteira, medikus, no especialista sira hodi halao atendementu ne’ebe diak ba ita nia paciente sira, tamba ita hatene katak, moras ne’ebé as liu iha fulan Janeiru ate a data (Maiu), iha hospital referral maubisse ne’e tuir lolos simu moras sira ne’ebe ruzukan, moras sira mai husi sentru saude Ainaro , sentru manufahi no Aileu ne’ebe rujuk mai iha Maubisse , maibe iha hospital ne’e ita halai liu ba iha indikador sira, ita la hare liu ba moras ne’ebe mak todan liu maibe ita koko atu atende hotu, maibe moras durante fulan janeiro to fulan abril ne’e moras dengue mak makas no dengue iha timor laran tomak, no agora menus ona, maibe Sei iha mos kazu sira seluk hanesan tuberkuloze ou TB”.
Ho prezensa Estudante UNTL sira iha Hospital Referral maubisse aliende estajiu e mos ajuda Hopital referral maubisse, nune’e mos Directora Hopital Referral Maubisse ne’e rekonhece katak rekurusu menus ho Moras ne’ebe as Liu iha HRMBS Hahu Husi Fulan Janeiro Mai To’o fulan Maiu mak Moras Dengue, maibe dala ruma ho mos moras seluk;
“Pasiente sira atu mai dala ruma iha komunikasaun antes husi, sentru saude Ainaro dala ruma hanesan moras dengue ita tenki iha komuniakasaun antes, pasiente sira bele haruka mai ou bele direta ba Dili tanba iha buat balun nebe ita labele gasta tempu, tanba iha saude atendementu tempu ne’e importante tebes. Tanba moras dengue sei baibain entaun bele mai iha ne’e sei makas liu bele direta ba liu Dili. Ami la hare ba karta transferensia maibe ami atende pasiente 24 horas. Hanesan lideransa masimu, Ha’u agradese tebes tanba alin sira husi UNTL no universidade sira seluk ne’ebé mai aprende iha ne’e, universidade sira hakarak servisu hamutuk ho hospital, iha parte ami nian ajuda tebes tanba sira mai ho rekursu ne’ebé mak ita temi limitadu, entaun bele mos ajuda sira aprende. Ita bele espera katak loron ida sira estuda no loron ida sira sei hanesan parseiru servisu hamutuk. Hau nia esperansa ba alin estudante sira katak tenki aproveita didiak labele buka ida rame-rame, ida-idak tenki aproveita tanba aban bairua ne’e ita lao mesak”.
Tamba ne’e husu ba komunidade sira, liu-liu inan isin rua, labarik no katuas sira ne’ebé mak hetan moras mai lalais iha hospital no labele hein grave ona mak ambulansia foin tula, pois mai iha ne’e buat la diak ona mak foin komplein atendementu sira, maibe sebele senti iha sintomas ruma, isin manas, mear, kabun moras, liu-liu ba labarik sira mai lalais, liu-liu ba inan isin rua sira tenki mai partus iha fasilidade saude atu nune’e fasilidade saude sira bele kontrola ho didiak, ita hakarak redus moras mortalidade inan ho oan, ne’ebé komunidade sira tenki hakbesik an ba iha Hospital Referral Maubisse”.
Jornalista : Anarela Lobato Pacheco
Editor : Joaquim Coutinho
