Racom Maubisse (13/05/2022) Ba Radiu Komunidade Maubisse Mau-Loko Kinta feira ne’e iha nia knár fatin Xefe Suku Foho-Ailico Deonato de Araújo Laet deklara Suku Foho-Ailico Kompostu husi Aldeia 6, husi Aldeia Nen refere Komunidade sira ne’ebe hela iha estrada ninin maka maioria Asesu hotu ba iha liña Eletrisidade, maibe sira ne’ebe dók husi Estrada maioria la asesu total.

“Eletrisidade infelismente diresaun Aisa tó balija Suku Leolima Besmata asesu ona liu husi estrada bót. Sai fali ba liur itoan maka Lale ho sae ba parte Ailora nian ho naran kuiñesidu Ilcum, Agora Komunidade lubuk ida maka halerik nafatin ba Eletrisidade barak liu maka husi parte tetuk nian hahu husi Be Malae,Fatu Metan, Buifu, Akaditu Laran sei prokupa nafatin kona ba Eletrisidade. Parte Huan ninian mós kuaje Kilo 1 Komunidade seidauk, parte Be Mos mós seidauk asesu ba Eletrisidade” Deklara Xefe Suku ba Jornalista RKMM 13/05/2022

Autoridade Komunitaria ne’e hateten tan katak area sira ne’ebe maka mesiona dadaun ne’e maka seidauk hetan atensaun husi Estadu ba instalasaun liña Eletrisidade.

“Sira ne’ebe hela besik estrada ninia maka hetan ona asesu ba Eletrisidade dala barak ami kuandu enkontru iha Municipio tamba Komunidade kompostu husi Aldeia 6 entaun kuaje Aldeia 6 ne’e hela hotu iha estrada ninin ne’ebe Aldeia 6 ne’e naran tama hotu kuandu ita kestiona kona-ba Eletrisidade ne’e sira dúvidas Aldeia ne’ebe maka seidauk tama tan, mais iha parte tetuk ita bele dehan area Ainaro Kík maka iha parte tetuk maibe inklui mós ho suku Leolima nia ema no Komunidade husi Aldeia 6 nia ema iha hotu ne’eba iha ne’eba Populasaun Purvolta de Cinco Mil Ital no Xefe de Familia Purvolta de Des Mil Ital maka Seidauk Asesu” Hatutan Autoridade Komunitaria ne’e 13/05/2022.

Jornalista                     Moises da Silva Magno

Editór                          Joaquim de Fátima Coutinho