Dom Virgilio do Carmo da Silva SDB, Halao Enkontru ho Kom. Organizadora Festa Padroeira PICOMA

0
405 views

Racom Maubisse, 13/05/2022, Relasiona ho Feta Padroeira Paroquia Imaculado Coração de Maria Maubisse ne’ebe kada tinan sempre monu iha fulan Junho, maka iha dia 13 de Maiu 2022, Komissaun Organizadora Festa Padroeira Paroquia Imaculado Coração de Maria Maubisse, hamutuk ho Chefe do Suco Maubisse Villa, Wilson Nivio Mendonca, Amu Paroco Maubisse, Pe. Feliciano B. R. Barreto, halao enkontru ho Archebispu Arquediocese de Dili Dom Virgilio do Carmo da Silva SDB, nune’e bele marka data fixu ba serimonia fetsa Padroeira no Festa Fahi Ulun Paroquia Maubisse ne’ebe sei realiza iha tempu badak.

Iha surumutk refere Archebispu Arquediocese de Dili Dom Virgilio do Carmo da Silva SDB, hateten katak;

“Enkontru ho komisaun organizadora hodi marka data ba festa Padroeira PAroquia maubisse nian nomos festa fahi ulun, e antes ne’e mos sei iha inaugurasaun ba capela ida iha Lumululi Maulau Maubisse, fo bensaun cruz iha foho Balibo, Inaugurasau gruta iha bihetu rem, nomos inaugurasaun capela ida iha aldeia Rimori Maubisse. Depois de aktividades sira ne’e hotu mak sei halao missa solene padroeira Paroquia maubisse nian nomos serimonia entrega fahi ulun husi suco Maubisse Villa ba Paroquia”. Dehan Archebispu liu husi enkontru ho komisaun organizadora.

Entertantu Vice Presidente Komissaun Komisaun organizadora ba festa Padroeira Paroquia Imaculado Coração de Maria Maubisse, Adelino Mendonca Espirito Santo hateten katak;

Sente ksolok tamba Archebispu Arquediocese de Dili Dom Virgilio do Carmo da Silva SDB, bele Halao ona Enkontru ho Komisaun Organizadora Festa Padroeira Paroquia Imaculado Coração de Maria Maubisse, hamutuk ho Amu Paroco no Chefe do suco Maubisse Villa, hodi trasa horariu ba festa padroeira PICOMA no mos serimonia entrega fahi ulun husi Suco Maubisse Villa ba Paroquia. Dehan komisaun Organizadora Adelino Mendonca E. Santo.

Archebispu Arquediocese de Dili Dom Virgilio do Carmo da Silva SDB, sente kontente ho surumutuk ida ne’e nohein katak iha fulan Julho 2022 tinan ida ne’e, se laiha agenda seluk entaun bele realiza tamba tuir amu bispu katak iha fulan no data ne’ebe mensiona laiha aktividades tamba ne’e hein katak iha fulan Julho bele realiza programa sira ne’e tuir horariu ne’ebe marka ona.

Tamba ne’e husu ba komisaun organizadora, Chefe Suco, Chefe aldeia 12 no sarani suco Maubisse Villa, atu halo ona preparasaun nune’e iha fulan Julho bele realiza aktividades ne’ebe mensiona ho diak. **

Jornalista            : Natalino Mendonca

Editor                    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments