Racom Maubisse 05/13/2022 Relasiona ho komemorasaun restaurasaun Independensia 20-05-2022 ba dala 20, Komandante Esquadra Postu Maubisse hateen katak sei garantia situasaun perante serimonia restaurasaun Independensia 20 de Maiu ba dala 20 sei lao ho diak.
Ba Radio Komunidade Maubisse mauloko, Komandante Esquadra Posto Administrativu de Maubisse, Anfonso da Silva Haktuir katak;
“Hanesan komandante sei hamutuk ho membrus tomak apoiu seguransa maximu iha Postu Maubisse liu-liu suku sia atu nunee hamutuk ho ita nia komunidade sira ita nia autoridade komunitaria sira administrador do postu hamutuk atu fo seguransa maximu ba komemorasaun restaurasaun Independencia 20-05-2022, lao ho diak tanba hela deit semana ida ona”. Hateten Afonso.
Lidernaca PNTL Posto Administrativu de Maubisse ne’e haktuir liu tan hodi fo hanoin ba komunidade iha Suco sia, aldeia nenulu resin rua atu iha komemorasaun 20 de maiu ne’e hotu hotu participa no labele kria problema iha bairu bairu no iha dalan protukolu sira hodi berturba movimentu transporte pubbliku;
“Tamba ha’u nia parte mos husu ba komunidade Postu Maubisse, inklui suku sia atu hasae bandeira iha sira nia uma oin tuir enkontru nebe maka halao iha semana kotuk hamutuk ho administrador do postu ho linha ministerial nebe mak serbisu iha maubisse, enkontru nee rasik ami deside katak ohin maka ita hotu halo limpeza i ita mos fo menzajen ba xefe do suku no xefi aldeia sira, hato’o ba iha ita nia komunidade Postu Maubisse Suku sia aldeia 62 atu sira bele hasae bandeira kada ida idak nia uma oin”. Haktuir Kom. PNTL Maubisse ne’e.
Ho Komemorasaun restaurasaun loron independensia ba dala 20, nudar sidadaun, nudar Timor oan ita hot-hotu kopera atu apoiu seguransa maximu, karik ita nia joven balu nakar ka hemu tua, ita iha lei atu regula, karik maka konsumo alkohol makas ita detein ba iha sela para halao prosesu kontnuasaun ba Ministreiu publiku.
Participa iha limpeza jeral ne’e autoridade local husi sivil no military, komunidade estudante ho instituisaun relevante sira iha Posto maubisse.
Jornalisa : Natalino Mendonca
Editor : Joaquim De Fatima
