Racom Maubisse 13/05/2022 Kada tinan Estado Timor Leste halao komemorasaun ba loron restaurasaun, xefi do postu maubisse Claudiono mendonca hatete limpeza jeral nee hanesan preparsaun ba hodi komemora loron restaurasaun independensia 20-05-2022 ba dala 20 iha Timor Lest, partikularmente iha Posto Administrativo de Maubisse, Municipiu de Ainaro.
Relasiona ho Limpeza Jeral ne’ebe halao husi Autoridade local Posto Maubisse, komunidade, linha sektoral sira nomos estudante sira, ba radio komunidade Maubisse Mauloko, Administrador Posto Administrativu de Maubisse Claudino Mendonca hateten katak;
“Limpeza jeral ida ne’e ita halo hodi prepara ba komemora loron restaurasaun independencia 20 de Maiu 2022, maibe ba oin kada Sexta Feira ita se ita laiaha atendementu publiku balun ita hotu sei focus ba limpeza jeral iha areadores Maubisse”. Dehan Administrador Maubisse ne’e.
Husu konaba karik kareta tulan lixu nian ne’ebe iha municipiu bele apoia posto administrative nune’e lixu sira ne’ebe halibur bele tula sai, Chefe do Posto ne’e haktuir;
“Kareta laiha atu tula lixu entaun tenki utiliza kareta administrador nian hodi lalin lixu ba soe iha fatin ne’ebe dok tanba durante ne’e kareta iha munisipiu mai tula deit iha tinan 2021, husi diresaun saneamentu nian ne’ebe apoiu raut lixo iha merkadu Maubisse, liu ida ne’e la mai tan to’o agora, tamba ne’e ita uja deit kareta administrador nian hodi tula lixu ne’ebe ita halibur hamutuk iha ne’e”. haktuir Claudino mendonca.
Ho situasaun sira ne’e hotu maka administrador ne’e husu ba komunidade sira hotu atu nafatin halao limpeza iha kada uma kain liu liu iha uma oin nomos fatin publiku sira nune’e Maubisse bele sai furak nafatin iha ema hotu nia matan.
Hanesan xefi do postu apela ba hot-hotu atu halao limpeza iha idak-idak nia uma oin no hasae bandeira nasional nomos partisipa iha missa dia 19-05 2022 depois iha kalan sei loke filmajem kona ba prosesu luta ba ukun rasik-an hahu husi 1974 to’o 1999, atu nune’e joven sira bele hatene katak luta indendensia nia prosesu lao mai hanesan ne’e.
Jornalista : Natalino Mendonca
Editor : Joaquim De Fatima
