Racom Maubisse (12/05/2022) Ba Radiu Komunidade Maubisse Mau-Loko Responsabel Arte Marsiais Seruling Dewata Mariano Corte-Real, hateten ida ne’e iha aktividade Limpeja ne’ebe maka hatean Partisipasaun másimu tebes husi Grupu Arte Marsiais no Ritual ne’ebe sira ne’ebe maka ejisti iha Suku Foho-Ailico Postu Administrativo Hato-Udo Municipio Ainaro.
“Momentu ida ne’e iha aktividade ida ne’e ami mai hamutuk iha Suku Foho-Ailico ida ne’e hanesan eventu ne’ebe maka diak furak. No surumutuk ida ne’e entre ami Artes Marsiais Arte Rituais ho jestu ida ne’e maka atu hatudu ba Komunidade liu-liu Suku Foho-Ailico ida ne’e katak, ami iha duni unidade tamba ho hamutuk ida ne’e maka bele forsa atu kria dezemvolvementu iha Suku ida ne’e tó ba iha nivel Nasional” Dehan Responsabel Arte Marsiais Seruling Dewata ba RKMM 12/05/2022.
Arte Marsiais no Rituais ne’ebe maka hola parte iha Aktividade limpeja ne’e mai husi Organizasaun Arte Marsiais PSHT, KERA SAKTI, KORK, SERULING DEWATA,no Organizasaun Arte Ritual 77,inklui Organizasaun Arte Ritual Santo Atónio.
Aliende Eventu ida ne’e halao tamba inisiativa husi Autoridade Komunitaria Suku Foho-Ailico Hato-Udo Municipio Ainaro.
Jornalista Moises da Silva Magno
Editór Joaquim de Fátima Coutinho
