Racom Maubisse (12/05/2022) Domingos Sousa Marques, Fundador Organizasaun Arte Marsiais Persaudaraan Setia Hati Terate (PSHT) Suku Foho-Ailico Postu Administrativo Hato-Udo Municipio Ainaro, haktuir Sentimentu Origullu ne’e Wainhira hamutuk ho mebrus partisipa iha Limpeza Amizade ne’ebe maka organiza husi Autoridade Komunitaria Suku Foho-Ailico Kinta feira semana ne’e.
Tuir Fundador PSHT ne’ebe maka Koiñesidu ho Naran “Ameu Karau” ba Radiu Komunidade Maubisse Mau-Loko haktuir katak;
“Hau hanesan fundador PSHT iha Indonesia nia tempu Tanggal 15 Oktober 1996. Iha tempu ne’eba tó Timor Ukun Rasik-An hau haré buat ne’e la hanesan. La hanesan ne’e maka ne’e uluk iha momentu ne’eba hanesan ami halo limpeja husi Mota Aiasa tó iha leten sempre hetan akompañamentu husi Xefe Suku, Xefe Aldeia ho Seguransa. La hanesan tamba ami halo servisu maibe ami mesak deit maibe ohin loron ami konsidera Xefe Suku, Xefe Aldeia, no Katuas Lia Nain sira hanesan ami nia Aman ida iha Suku ida ne’e bele halibur mós ami hotu entaun ami nia relasaun ne’e ohin hodi ba oin metin liu tan. Laos ohin maka ami halo ida ne’e mas liu ba kotuk ne’e ami sempre halo relasaun diak ho grupu sira seluk” Splika Fundadot Organizasaun Persaudaraan Setia Hati Terate 12/05/2022.
Aliende Eventu ida ne’e halao tamba inisiativa husi Autoridade Komunitaria Suku Foho-Ailico Hato-Udo Municipio Ainaro.
Jornalista Moises da Silva Magno
Editór Joaquim de Fátima Coutinho
