Racom Maubisse 05/10/2022 Komunidade Aldeia Hautadu kompostu husi inan aman jovens ho estudante sira ho voluntariamente hadia estrada husi Aldeia Hautadu rasik liga ba Aldeia Rileco Suco Maubisse Villa, Posto Administratrivu Maubisse Municipiu Ainaro, hodi nune’e bele facilita movimentu transporte ba mai nune’e bele tula sira nia produtu local asesu ba merkadu.
’Ba Radio Komunidade Maubisse Mauloko Luis Sarmento reprezenta komunidade aldeia Hautadu hateten Katak;
“Durante nee ami hatoo ona kondisaun Estrada ne’e ba autoridade local hanesan xefi aldeia atu hadia dalan nee ba aldeia rua hanesan Hautdau ho Rileko nune’e bele facilita ami nia oan sira asesu ba edukasaun no mos facilita ami atu lori ami nia produtu local ba merkadu, maibe ate a data autoridade ida la tau matan ba Estrada refere, tamba ne’e ho voluntariamente ami hadia”
Luis Sarmento hatutan liu tan katak iha era ukun rasik-an malae lori $3.00 mai halo ami baruk ten to’o ami nia Estrada rasik mos la bele hadia tamba ami bazeia hela ba osan $ 3.00.
“Tanba ho osan $ 3.00 ita haruka komunidade sira atu ke’e Estrada ka hadia deit Estrada mos susar tebes, e ho osan $ 3.00 n nee maka halo ami barauk tanba hadia la hun la dikikin hotu tia hanesan, hein tan osan mai mak hadia tan, tamba ne’e ma kami ho iniciativa hadia rasik deit nune’e ami sente katak rai no Estrada ne’e ami nian no ami mak sei uja”. Haktuir Luis Sarmento.
Luis sarmentu sente triste tamba iha tempu portugues malae lori sikoti baku hotu hotu tauk ba ke Estrada no hadia Estrada e iha tempu okupasaun Indonesia mos hanesan, maibe iha era ukun rasik-an se mak manda se tamba deit liberdade no demokrasia;
“ Tamba ne’e hau hanesan inan aman senti triste tanba buat ida gotong royong mos laiha ona hein deit buat ida $ 3.00 mak ohin loron ami nia estrada nee sai hanesan nee ponte ida agora tohar hela nee Indonesia mak halo hela nee ami nuadr inan aman hadia nafatin”. Dehan Luis Sarmento
Tamba ne’e, nia parte rekomenda ba governu Timor-Leste atu hadia Estrada nee nune’e bele facilita ami lori produtu local sir aba merkadu, tamba aldeia rua ne’e riku ho produtu local hanesan repolho, fehuk ropa, senoura, koto, ho tan produ sira seluk nomos ho Estrada ne’e bele facilita ami nia oan sira asesu ba escolar.
Iha fatin hanesan Geovani Nunes Mendonca Hanesan Estudante hatete Katak;
“Ami estudante sira organiza malu hamutuk ho inan aman sira hodi hadia etrada ne’e, tanba hakarak Estrada ne’e diak nune’e ami bele asesu ba edukasaun no komunidade bele lori sira nia produtu ba merkadu”. Dehan Geovani
Komunidade iha iniciativa rasik halibur malun hodi hadia estarda nune’e bele facilita sira nia oan ba escolar nomos facilita agrikultor sira lori sira nia produtu local ba merkadu, oinsa governu nia responsabilidade hodi taumatan ba Estrada sira ne’ebe kleur ona labele hadia hodi facilita komunidade sira, e sira la husu osan no matrial maibe sira nia hakarak mak governu liu husi ministeriu relevante hanesan obras Publika no PNDS bele taumatan ba sira nia Estrada. Eis Presidente Jhon Kenedy dehan hanesan sidadaun ne’ebe diak labele husu ba nasaun atu fo buat rum aba ita maibe hanesan cidadaun ne’ebe diak kontribui uluk hafoin mak husu e kontribuisaun sira ne’e komunidade halo ona oinsa governu nia responsabilidade? Ita hein….remata.***
Jornalista :Natalino Mendonca
Editor :Joaquim de Fatima
