Racom Maubisse 05/05/2022 Xefi do Grupo Antonio de Araujo Agradece ba Sec. Estdau Peskas ne’ebe ofrece Ikan Hamutuk 5.000 Kabesas hodi husik iha kolam hamutuk 30 Iha Suco Nunumogue, Postu Administrativu Hatubuiliku Municipiu Ainaro.
Ba Radio Komunidade Maubisse mauloko, Sekretariu Estadu Pescas, Elidio Araujo Hateten;
“Ohin halao lansamentu ikan ba bee midar hamutuk 5.000 ba kolam hamutuk 30 unidades, ho hanoin katak ho apoia ikan ne’ebe governu ofrece atu ajuda komunidade sira liu liu juventude sira atu bele dezemvolve diak liu tan nune’e bele fan fali hodi hetan osan ruma nune’e sustenta sira nia grupo nomos sira nia familia”. Elidio Araujo Hateten.
Secretariu Estadu ne’e hatutan liu tan katak, ho apoia ikan kuaze 5.000 kabesas ne’e atu melhora diak liu tan grupo sira, ho nune’e executive ne’e enkoraja grupo sira ne’ebe simu ikan refere atu tau matan didiak ba apoia sira ne’ebe governu fo ho nune’e governante ne’e haktuir;
“Ha’u hakarak hatete deit katak programa nee laos foun maibe programa kontinuasaun ita trasa ona liuba ita promove ikan midar iha munisipiu tolu Ermera ,Aileu no Ainaro, tanba sa maka ita hakarak promove ikan bee midar iha munisipiu tolu, tanba munispiu tolu nee Ermera laiha tasi Aileu laiha tasi no ainaro iha tasi uituan deit, tanba nee maka ita promove komunidade sira, oinsa maka sira bele hakiak ikan bee midar para atu atinje metas VIII governu nian nebe maka hatete ona katak iha 2023 kada ema tenki konsumu ikan 10 kilograma kada tinan ida”. dehan Secretario Estado Pescas.
Objetivu halo lansamentu husik ikan iha kolan sira nebe maka ita nia komunidade sira prepara ba ohin ita lansa hamutuk kolam 30 unidades depois ikan nebe maka ita husik ba kolan nee hamutuk 5.000 kabesas.
Depois de lansamentu ikan hamutuk 5.000 ba kolam 30, Antonio de Araujo hanesan xefi do grupo hateten katak;
“Em nome grupo hakarak ahto’o agradece ba VIII governu Konstitusional liu husi Secretariu estado e Pescas, tamba bele apoia ona ami ikan ho total 5.000”. dehan Antonio
Antonio hatutan liu tan katak, pela primeira ves mak governu apoia ami ho ikan ne’ebe montante bo’ot nune’e, depois ba oin ami nafatin lao para ita hare to’ok nia lalaok nee oinsa, eami sei konvida sekretariu estadu peskas bele mai fali halo koilleta.
Jornalista : Imaculada Mendonca
Editor : Joaquim Coutinho
