Racom Maubisse (18/04/2022) Segunda Feira ohin Sekretariadu Tékniku Administrasaun Eleitoral (STAE) Municipio Ainaro Halao ona deslokasaun Ema no Matreal Sensitivo ho La Sensitivo ba Sentru Votasaun hamutuk 70 iha Municipio Ainaro.
Iha seremonia deslokasaun ne’ebe maka halao iha Edefisiu STAE Municipio Ainaro ne’e, Direktur STAE Municipio Ainaro Francisco Bianco hateten, husu ba iha Brigada sira ne’ebe maka servisu iha Sentru Votasaun idak-idak atu servisu ho Profesional hodi garante Prosesu Elisaun Prezidensial ba Ronde da ruak ne’e iha Municipio Ainaro bele lao ho susesu.
“Brigada sira karik ita bót sira servisu iha sentru votasaun servisu ho Profesional, servisu ho diak atu núne’e ita nia Elisaun ne’e bele lao ho diak no susesu. Husu nafatin mós ba iha PNTL sira, husu ita bót sira fó seguransa másimu iha sentru votasaun, no mós husi OSE Ofisial Supervisaun Eleitoral CNE nian husu ita bót sira fó asegura diak liu tan ba prosesu elisaun ne’e bele lao ho diak” Dehan Diriektur STAE Municipio Ainaro 18/04/2022.
Fatin hanesan Komisariu CNE Municipio Ainaro Alcino de Araújo Baris Hatutan tan katak;
“Seremonia ne’e lao iha fatin hotu maske simples maibe responsabilidade ne’e bót tebes tamba aktu ida ne’e, aktu elisaun nian Segunda Volta. Oras ne’e dadaun iha Timor Laran tomak kuntinua desputa para aban hatene los husi Kandidatu nain rua ne’e se maka atu sai hanesan Prezidente da Repúblika, disputa sira ne’e normal maibe importante liu maka atu garante ninia atendementu ne’e. STAE maka tékniku implementador CNE Suprevisor no seguransa tomak iha Polisia tamba situasaun ba segunda Volta ne’e Tensidade ne’e as teb-tebes kaju kíkoan ona ida bele sai polemika surat tahan ida deit maka tinta iha la verifika didiak mós bele sai polemika sai problema foti lalais iha públiku ita tenki kuidadu matreal sira ne’e tó lori halo didiak tó iha fatin, tenki asegura mós kalan tó aban 6 oras bainhira atu loke. no tudu prosesu atendementu, verifikasaun, kontajen tó lori fila fali mai iha ne’e, Kualidade Komicão Nasional das Elicões ne’ebe hanesan suprevisor nia lia menon maka ida ne’e ható ba ita hotu ninia Profesionalismu iha atendementu” Hateten Komisariu CNE iha Seremonia Deslokasaun Matreal Sensitivo ho la Sensitivo iha Edefisiu STAE Municipio Ainaro 18/04/2022.
Aliende Seremonia deslokasaun ida ne’e iha Municipio Ainaro Observa Direita husi Fiskais husi Kandidatu nain rua nian, PDHJ, no Observador Internasional Uniaun Eoropeia.
Jornalista Moises da Silva Magno
Editór Joaquim de Fátima Coutinho
