Racom Maubisse (15/04/2022) Hodi hanoin hikas Nai Jesus Kristu nia Terus tó Mate iha Loron Sesta Feira Santa, Sarani Kapela Sentru Pastoral Manumera Suku Mulo Postu Administrativo Hato-Builico Municipio Ainaro Selebra ho Viasacra Moris.

Ba Radiu Komunidade Maubisse Mau-Loko Administrador Postu Administrativo Hato-Builico Bento Alves hateten, Nia Parte senti Orgullu tebes hodi Partisipa iha Selebrasaun ida ne’e iha Aldeia Manumera.

“Viasagra ne’ebe maka ohin akontese iha Manumera ba hau senti kontenti, senti hodi hanoin fila fali ba iha uluk ne’ebe maka Ita Nai Jesus Kristu terus tó ohin loron hodi relembra fila fali ba ita nia Sarani sira katak Jesus Nia terus ne’ebe maka deste uluk tó ohin loron sei tau nafatin ba iha Sarani sira. Oinsa maka nia kuntinuasaun ida ne’e atu ba oin, atu núne’e ba Sarani sira bele hatene diak liu tan katak uluk liu ita Nai Jesus Kristu Terus duni hanesan ne’e iha Kruz hodi bele selu ita Sarani hotu nia sala” Dehan Autoridade Postu ne’e iha Manumera 15/04/2022.

Autoridade Postu ne’e mós ne’e husu Nafatin ba iha Sarani sira iha Postu Administrativo Hato-Builico Spesialmente ba Sarani Manumera atu nafatin iha Korajen ba halao aktividade ida ne’e kada tinan. Nia Apela mós ba iha Komunidade sira atu nafatin mantein Paz no hakmatek iha Elisaun Prezidensial Ronde da Ruak nian ne’ebe maka sei monu iha loron 19 fulan Abril 2022.

Selebrasaun Sesta Feira Santa iha Manumera Postu Administrativo Hato-Builico Municipio Ainaro ne’e lao ho susesu tó remta, ne’ebe maka partisipa mós husi Administrador Postu Hato-Builico Hamutuk ho Sarani sira iha husi Postu Administrativo Hato-Builico Municipio Ainaro.

Jornalista                     Joaquim de Fátima Coutinho

Editor                          Moises da Silva Magno