Racom Maubisse, Kinta-Feira, 07-04-2022, Funadasaun NAFOFILA realiza sorumutuk ho stake holder no benifisiariu sira husi Postu Administrativu Hatu-Builiku no Maubisse, hodi koalia kona-ba problema kaben sedu no isin rua sedu.

Ba Radio Komunidade Maubisse Mauloko, Program Manager Fundasaun NAFOFILA Selviana de Fatima Miranda informa;

“Ojetivu husi sorumutuk ne’e, koalia liu kona-ba oinsá atu hasa’e koñesimentu inan aman no foinsae sira ni’an, kona-ba saúde reprodutiva hodi nune’e bele trava no minimiza isin rua sedu no kaben sedu”.

Iha fatin hanesan Adjuntu Director Edukasaun Munisípiu Ainaro Gaudencio Lopes informa mos katak;

“Liu husi formasaun ida ne’e hanesan edukador, enkoraja inan aman no autoridade lokál sira wainhira oan eskola  hela  maka akontese isin rua depois de partus, ministériu edukasaun tolera, hodi kontinua sira nia estudu iha eskola to’o remata”.

Entretantu iha sorumutu ne’e marka prezensa  stake holder sira, reprezentante edukasaun Munisípiu Ainaro PNTL MSSI parte saude inklui joventude feto no mane husi Posto rua hanesan Hatobuilico ho Posto Adm Maubisse munisípiu ainaro.

Jornalista    : Natalino Mendonca

Editor         : Joaquim de Fatima