MAE Distribui Ekipamentus Komputador, Printer No CPU ba Autoridade Local Suku 21 Iha Munisipio Ainaro

0
371 views

Racom Maubisse 05/04/22, Tersa Feira  foin lalais ne’e, Ministru Administrasaun ESTATAL Miguel Pereira de Carvalho ho ekipa distribui material eletronik hanesan komputador, printer no CPU ba autoridade lokal suku rua nulu resin ida iha Munisipio Ainaro.

Ba Radio Komunidade Maubisse Mauloko, Ministru Administrasaun Estatal Miguel Pereira De Carvalho iha distribusaun material eletronik hanesan komputador, printer no CPU ba autoridade lokal suku rua nulu resin ida iha Munisipio Ainaro, informa katak;

“Material eletronika hanesan komputador, printer no CPU nebe ohin distribui ba xefe do suku sira hanesan planu Oitavo Guvernu nian ne’ebe tuir planu iha fulan Abril nia laran suku hotu iha teritori Timor Leste laran tomak sei hetan hotu material eletronik refere”.

Iha Distribuisaun Material elektronika sira ne’e Ministru MAE husu atu autoridade local sira uja ho diak no responsabilidade nune’e bele atende komunidade sira ho diak, tamba ne’e Lider MAE ne’e hatutan liu tan katak;

“Ekipamentus sira nebe ohin distribui ho nia objetivo prinsipal mak bele fasilita no hakman servisu liderensa komunitario sira hodi bele halao sira nia servisu ho diak nune’e bele servi komunidade hodiak nomos bele servisu lais no halo ligasaun entre suco, posto no municipiu, em termus de administrasaun”.

Ho apoia ekipamentus administrasaun ne’ebe ofrece husi MAE, bele ona tulun lideranca komunitariu sira hodi halao knar iha suco ho diak no lais nune’e bele servi komunidade ho responsabilidade.

Jornalista    : Natalino Mendonca

Editor         : Joaquim de Fatima

0 0 votes
Article Rating
Subscribe
Notify of
guest
0 Comments
Inline Feedbacks
View all comments