Racom Maubisse (20/03/2022) Tuir Membru Komete Central Fretelin (CCF) ne’ebe destakadu iha Municipio Ainaro, aumesmu tempu hanesan mós Vise Prezidente Komisaun Nasional ba Preperasaun Elisaun husi Partidu Fretelin. Antonino Bianco hateten ida ne’e liu husi intervista ho Jornalista Radiu Komunidade Maubisse Mau-Loko, hafoin remata Apuramentu Municipio iha STAE Municipio Ainaro Domingu Loron 20 fulan Marsu 2022 iha oras lorokraik.
“Agora ezerse ba oin se iha sesaun ba Ronde dala rua nian prontu ita hein katak moris hakmatek hanesan ne’e. Idak-idak bele ejerse fali direitu atu ba fali halo Votasaun ba Segundu Ronde maibe ne’e ita hare husi rejultadu ne’ebe ke agora ne’e, ita haré katak laos ema ida sae dala ida deit mós difisil ne’e” Deklara Membru CCF ne’e 20/03/2022.
Tamba ne’e hanesan ema Ainaro Oan Aktual Membru Parlementu Nasional husi Bankada Fretelin ne’e haklaken liu tan katak;
“Hau hanesan Ainaro Oan,Membru CCF, í ema ida esperensia durante Ukun ne’e tó agora kuaje tama 24 Anos servi Estadu, hau fiar katak povu Ainaro Oan Elitóres se deit ezesrse direitu hotu depois fila ba, Demokrásia hotu ona fila ba idak-idak nia fatin, ita mesak mau alin deit, oan sira deit ne’ebe presija asegura ida ne’e ba” Fundamenta Membru CCF ne’e iha STAE Municipio Ainaro 20/03/2022.
Prezidente Komisaun Nasional ba Preperasaun Elisaun husi Partidu Fretelin ba Kandidatu Prezidente Repúblika ne’e mós rekuiñese katak ho kondisaun udan ne’ebe maka akontese iha loron 19 fulan Marsu ne’e iha Municipio Ainaro difikulta Militantes husi Partidu Fretelin barak ba fó sira nia Votu iha Sentru Votasaun.
Tuir Rejultadu Final ba Kandidatu Partidu Fretelin ho numeru Sorteu 6 Francisco Guterres Lú-Olo iha Municipio ho total Votus hamutuk 6.581.
Total Votantes Municipio Ainaro husi dadus STAE nian hamutuk 45.650, no Eleitores ne’ebe maka Partisipa iha Elisaun Prezidensial iha Loron 19 fulan Marsu 2022 foin lalais ne’e hamutuk 35.751 (78,32%).
Durante halao prosesu Apuramentu iha STAE Municipio Ainaro, hetan Observasaun husi CNE, Observador Nasional, Internasinal, Fiskais husi Kandidatu sira, Autoridade Municipio no Postu Administrativo Ainaro Villa, Hamutuk ho Komandante PNTL Municipio Ainaro, ne’ebe hetan Seguransa másimu husi Membru Polisia, Inklui ho membru PNTL ne’ebe maka kolokadu husi Nasional iha Municipio Ainaro.
Segunda feira ne’e loron 21 fulan Marsu Matreal Sensitivo hirak ne’e Trasporta oan ba Dili hodi supmete ba iha Apuramentu Nasional.
Jornalista Moises da Silva Magno
Editór Joaquim de Fátima Coutinho
