Racom Maubisse (20/03/2022) Informasaun ne’e ható husi Membru Komete Central Fretelin (CCF) ne’ebe destakadu iha Municipio Ainaro, aumesmu tempu hanesan mós Vise Prezidente Komisaun Nasional ba Preperasaun Elisaun husi Partidu Fretelin Antonino Bianco hafoin remata Apuramentu Municipio iha STAE Municipio Ainaro Domingu Loron 20 fulan Marsu 2022.
Bianco Afirma Tuir Observasaun hateten, Eleitóres sira Partisipa iha Aktivu iha Sentru Votasaun maske ho kondisaun udan, maibe iha Eleitores balun mós maka la partisipa hodi ezerse sira nia direitu hanesan Eleitóres.
“Ami observa katak Eleitóres sira parsisipa ativa mesmu ke tempu ne’e udan, balun la konsege atu bele ezerse sira nia direitu maibe sira hakbesik ba Sentru Votasaun halao sira nia direitu atu hodi Vota ne’e” Hateten Antonino iha Edefisiu STAE Nubicipio Ainaro 20/03/2022.
Membru CCF ne’e realsa liu tan katak apresia tebes ho Servisu STAE nian ne’ebe halao durante Elisaun ho Profesional, mesmu ho kondisaun udan maibe sempre halao sira nia servisu ho diak iha Sentru Votasaun 70 ne’ebe maka estabese iha Municipio Ainaro.
“Entau apresia servisu STAE ninian ne’ebe ke sira halao ho Profesional ba tó iha nivel Sentru Votasaun, tempu udan, Ofisiais Eleitorais sira bele halao servisua ho sentídu responsabilidade. Iha balun kalan bót, udan, dala roma lao deit entau sira mai tó kalan bót hanesan horseik ami akompña tó ami halo tó tuku ida daersan, prontu ohin bele halo hotu iha lokarik 7 Oras, ne’ebe apresia sira nia servisu”Nia hatutan 20/03/2022.
Tamba ne’e Antonino Bianco hateten hanesan Fretelin tenki fó apresiasaun ba iha Servisu ne’ebe maka STAE Municipio Ainaro halao iha nivel Municipio Ainaro liu-liu ba iha tékniku sira. Maske núne’e nia sujere presija halo formasaun klean liu tan, liu-liu iha kestaun ba Priensementu akta tamba tuir nia tau fali matreal Sensitivo sira laos iha fatin, maibe tau fali iha kaiza seluk.
Direktur STAE Municipio Ainaro Francisco Bianco Hafoin remata Apuramentu iha Edefisiu STAE Municipio Ainaro liu husi intervista ho Jornalista RKMM Relata katak, Rejultadu husi Eleisaun Prezidensial ne’ebe hahu husi Loron 19 tó Loron 20 fulan Marsu 2022 iha Municipio Ainaro, total Votu Abandonado 3, Nulu 779, Branku 289, Reklamadu 2, Votu Rezeitadu iha 5, no total Votu Válidu hamutuk 34.673 (96,98%)
“Rejultadu horesik ho ohin nian iha ne’e total hamutuk maka, Votus Válidu hamutuk 34.673 (96,98%), total Votu Abandonado 3, Nulu 779, Branku 289, Reklamadu 2, no Votu Rezeitadu iha ne’e 5, total Votante 45.650 e total partisipante ne’ebe maka mai Vota iha ne’e 35.751 no Taxa partisipasaun 78,32%” Relata Direktur STAE Municipio Ainaro 20/03/2022.
Nia hatutan entre Kandidatu nain 16 iha Municipio Ainaro Tuir Rejulatadu Apuramentu Kandidatu ne’ebe ho Numeru Eleitór barak liu maka Kandidatu ho Numeru Sorteu 14 José Ramos Horta ho total Votu hamutuk 17.284, tuir kedan ho Kandidata ho Numeru Soteu 9 Armanda Berta do Santos ho nia total Votus hamutuk 6.581.
“Diak iha kandidatu Numeru 14 ho valor bót iha ne’e 17.284, no iha Segundu Kandidata ho Numeru 9 iha ne’e iha 6.581, Kandidatu ho Numeru 6 iha 3.261, Kandidatu Numeru sorteu 16 iha 2.711 no Kandidatu ho Numeru Sorteu 5 Anacleto Bento Fereira iha ne’e iha 1.092” Bianco Hatutan 20/03/2022.
Direjente STAE Municipio Ainaro ne’e klarifika liu tan katak Oras Votasaun hahu iha oras tuku 7:00 dader no remtan oras tuku 3:00 Oras Timor Leste, tama ba Kontajen iha Sentru Votasaun no lori hikas mai iha Apuramentu iha Municipio no Remata iha Domingu loron 20 fulan Marsu 2022 Oras tuku 7, no Rejultadu final ne’ebe fó sai husi Sistema STAE nian Oras tuku 9 ho balun kalan.
Aliende prosesu hirak ne’e hotu iha Municipio lao ho susesu tó remata.
Durante halao prosesu Apuramentu iha STAE Municipio Ainaro, hetan Observasaun husi CNE, Observador Nasional, Internasinal, Fiskais husi Kandidatu sira, Autoridade Municipio no Postu Administrativo Ainaro Villa, Hamutuk ho Komandante PNTL Municipio Ainaro, ne’ebe hetan Seguransa másimu husi Membru Polisia, Inklui ho membru PNTL ne’ebe maka kolokadu husi Nasional iha Municipio Ainaro.
Segunda feira ne’e loron 21 fulan Marsu Matreal Sensitivo hirak ne’e Trasporta oan ba Dili hodi supmete ba iha Apuramentu Nasional.
Jornalista Moises da Silva Magno
Editór Joaquim de Fátima Coutinho
