Racom maubisse 23/03/2022 Direktor Eskola Tekniku Vokasional Agrigola Horaquic Maubisse, Paulo Doutel Sarmentu ba Radio Komunidade Maubisse Mauloko hatete, durante ne’e aktividades ensino aprendisazem lao diak, maibe ikus ikus mosu dezentendimentu uitoan husi rai nain nebe ofrece rai ba Ministeriu da Edukasaun hodi hari Escola Tecnico Vocasional Agrikola Horaquic maubisse, maibe ohin ho parte hotu nia prezensa rejolve ona hodi hein planu ba inaugurasaun.
Relasiona ho dezentendimentu ne’ebe mai husi rai nain ba escolar ESTVA Horaquic, Director Escola Paulo doutel Sarmentu haktuir katak;
“Ho esforsu direktor ou diretivu ka inspector sira hamutuk ho kumunidade sira konsege resulta duni situasaun nebe ohin fratenu tebtebes hodi resolve duni ba disputa rai maibe nee laos problema boot no too ikus hetan duni solusaun nebe kapas tebes no akordo hamutuk nee prepara ba oin edifisiu nee bele hetan inagurasaun”.
Director Escola ne’e haktuir liu tan katak; “Ezijensia rai nain senhor Mateus nian, nia la husu osan, maibe nia hakarak ho prezensa escolar ne’e, atu fo mos oportunidade ba oan no familia sira nune’e bele asesu laos iha deit escolar primaria maibe bele asesu to universidade”.
Escola Tecnico Vocasional Agrikola Horaquic Maubisse tuir llos atu inaugural iha tempu badak, maibe tamba tamba hela iha eleisaun presidensia primeiro ronde no segundo ronde, tanba nee maka planu inagurasaun ita sei dada uituan hodi akonpana feta demokrasia hotu maka foin bele halao ka realiza inagurasaun.
Iha Fatin hanesan Director Edukasaun Municipiu Ainaro, Oscar de Araujo hatete katak;
“Em primsipiu asunto nee kiik oan maibe nia kestaun maka lideransa edukasaun sira husik buat kiik nee demora depois deskontete mosu iha rai nain, maibe baibhira ita hamutuk esplika asunto pertinente ba rai nain ikus rai nain simu ho boa vontade kontribui ba edukasaun maibe ita kongratula ba rai nain I ita tenta nafatin atu serbisu ho rai nain”.
Director Municipiu Ainaro ne’e haktuyir liu tan katak;
“Ha’u simu rekomendasaun husi rai nain katak rai nee hanesan oferta ida ba ministeriu edukasaun, maibe ministeriu edukasaun tenke tau konsiderasaun ba rai nain nia oan, atu bele fo apoia liu husi fundu capital humanu nune’e bele ajuda nia oan sir aba asesu edukasaun iha nivel sekundariu no nivel superior”.
Depois de enkontru no hetan solusaun entre rai nain ho parte edukasaun, rai nain senhor Mateus da Silva haktuir katak ;
“Hanesan rai nain hau hein hela resposta simples I badak hanesan nee tanba nee maka hau ezise hela katak laiha inpedimentu ka intervensaun ruma, e eskola kontinua lao diak karik ida nee maka husi ministeriu resposta ona maka hau senti hanesan puas ona tanba buat hotu klaru ona informasaun muito bem e hau hanoin laiha tan inpedimentu ruma husi hau depois karik iha planu atu inagura”
Jornalista : Natalino Mendonça
Editor : Joaquim de Fatima Coutinho
