Gaudencio  Lopes Rekuiñese Maioria Inan Aman Seidauk iha Koiñesementu ba Regras Matríkulasaun Pre Eskolar

0
414 views

Racom Maubisse (23/03/2022) Reprejentante Direktur Edukasaun Municipio Ainaro Gaudencio Lopes hateten ida ne’e, wainhira akompaña Direktur Nasaiona Edukasaun Pre Eskolar halao sosializasaun konaba regras matríkulasaun Pre Eskolar ba inan aman no manorin nian sira iha Eskola EBC 1,2,3,4 Unidade Aimerleu Suku Leolima Postu Administrativo Hato-Udo Municipio Ainaro Kaurta feira ne’e.

“Objetivu ohin mai iha ne’e atu haklaken kona ba lalaok ita lori ita nia oan sira atu mai tau naran iha Pre Eskolar, ba tinan-tinan. Tamba durante ida ne’e ita nia Komunidade, inan aman, Autoridade Lokal sira barak maka seidauk kompriende konaba regras no lalaok bainhira atu tama iha Ensinu Pre Eskolar. Tan ida ne’e maka ita nia Direktur Nasional Edukasaun Pre Eskolar ho ekipa mai atu halo Sosializasaun ba ita hotu, núne’e ita hotu bele kompreinde. Se ita nia Komunidade no inan aman sira kompriende ona konaba regras hirak ne’e , klaru katak sira sei la iha dúvida atu entrega oan sira mai iha Pre Eskolar” Hateten Reprejentante Direktur Edukasaun Municipio Ainaro ba inan aman Estudante Pre Eskolar, iha Edefisiu Eskola EBC 1,2,3,4 Unidade Aimerleu Hato-Udo 23/03/2022. 

Tamba ne’e iha mensajen Direktur Nasional Edukasaun Pre Eskolar Domingos Belo Saores, husu inan aman sira ne’ebe maka partisipa iha aktividade Sosializasaun ida ne’e atu kuntinua tatoli hikas mensajen ne’ebe sira hetan ba iha inan aman seluk ne’ebe maka la partisipa aktividade Sosializasaun ida ne’e.

Aktividade Sosializasaun ida ne’e iha Eskola Aimerleu Hato-Udo hetan Partisipasaun másimu tebes husi inan aman hamutuk ho Manorin nain sira.

Entertantu total Estudante Pre Eskolar Aimerleu Konta hamutuk ho nia Filiais husi EBF Luru  ba oras ne’e dadauk hamutuk 95 fahe ba iha grupu A no grupu B.

Jornalista                     Moisese da Silva Magno Editór                          Joaqium de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments