Racom Maubisse (13/03/2022) Informasaun ne’e ható husi Direktur Comição Naçional Elisaun Municipio Ainaro Feliciano da Costa do Santos, hafoin akompaña Ekipa Finansas Nasional halao pagamentu ba Ofisial Supervisaun Eleitoral hamutuk 85 iha Municipio Ainaro Domingu ne’e.

“Kampaña hahu husi dia 2 termina iha Municipio Ainaro ne’e iha dia 12 liu ba, komesa husi inisiu  tó termina iha dia 12 ne’e laiha problema ida, soke iha involvementu labarik ki’ikoan sira balu partisipa iha kampaña no iha parte balu mós nota katak iha mós funsionariu balun partisipa iha kampaña” Deklara Direktur CNE Municipio Ainaro ba RKMM 13/03/2022.

Nia hatutan Kona ba ida ne’e CNE laiha sansaun ida fó ba iha ida ne’eba maibe atu husu deit ba iha inan ho aman sira la bele hodi labarik sira ba partisipa iha ne’eba.

“CNE laiha sansaun ida atu fó ba iha ne’eba so fó hatene deit ba inan aman sira atu labele hodi labarik sira ne’e ba tuir kampaña tamba labarik sira nia idade ne’e seidauk merese para hodi ba tuir kampaña” Direktur CNE ne’e hatutan 13/03/2022.

Tamba labarik sira iha deit direitu ba Eskola no halimar, no sira nia tinan seidauk tó hodi ba tuir kampaña.

 Jornalista        Moises da silva Magno

Editor              Joaquim de Fátima Coutinho