Racom Maubisse (13/03/2022) Domingu ne’e ekipa Finansas Comição Naçional Elisaun (CNE) Nasional halao Pagamentu Subsidiu fulan ida ba Ofisial Monitorizasaun Eleitoral iha Municipio Ainaro.
Ba Jornalista Radiu Komunidade Maubisse Mau-Loko Direktur CNE Muicipio Ainaro Feliciano da Costa do Santos hateten Pagamentu ida ne’e halao husi ekipa Finansas Nasional ba Ofisial Monitorizasaun iha Municipio Ainaro.
“Ohin iha CNE Municipio Ainaro, sira husi Finansasa Nasional nian mai halo ona pagamentu ba Ofisial Supervisaun Eleitoral hamutuk 85. Ida ne’e Subsidiu ba fulan ida nian haré fali ba montante ne’ebe maka iha bajeia ba kontratu ne’ebe maka sira asina, no iha momentu ne’eba sira asina ba fulan 3 nian ohin komesa ona halo pagamentu ba fulan premeiru nian depois sei kuntinua fali ba fulan segundu no terseiru nian”Hateten Direktur CNE Municipio Ainaro ba Jornalista RKMM 12/03/2022.
Direktur CNE ne’e Afirma liu tan husu ba iha Ofisial Supervisaun Eleitoral sira iha Municipio Ainaro atu servisu ho responsabilidade iha loron elisaun ne’ebe maka sei monu iha loron 19 fulan Marsu 2022 iha Municipio Ainaro.
“Kolia kona ba ita nia direitu maibe keta haluhan ita nia responsabilidade mós, prontu ho ida ne’e atu husu ba kada ofisial eleitoral idak-idak asumi nafain responsabilidade e kumpri nafatin ba iha orientasaun orden de servisu ne’ebe maka fó sai husi CNE hodi tau matan iha prosesu elisaun ida ne’e” Nia afirma 13/03/2022
Ofisial Supervisaun Eleitoral CNE 85 iha Municipio Ainaro ne’ebe simu ona subsidiu ne’e kompostu husi Postu Administrativo Ainaro Villa, Hato-Udo, Hato-Builico, no Postu Administrativo Maubisse Municipio Ainaro.
Jornalista Moises da silva Magno
Editor Joaquim de Fátima Coutinho
