Racom Maubisse (10/03/2022)Kandidatu Prezidente Repúblika (PR), Martinho Gusmão ho numeru sorteu 13, hateten ida ne’e ba Komunidade Postu Administrativo Maubisse Municipio Ainaro liu husi intervista ho Joenalista Radiu Komunidade Maubisse Mau-Loko iha Studiu Radiu Racom Maubisse Kinta feira ne’e hafoin katividade Kampaña iha Maubisse Municipio Ainaro.
Tuir Martinho hateten, laos ona tempu atu selok malu hodi hadia Konstituisaun maibe tuir nia, presija hadia mak kaer ukun tamba la tuir vertude intelektual.
“Tetak malu selok malu dehan fali atu hadia Konstituisaun ne’e diak ona los ona, atu hadia ne’e maka ida ne’ebe hanoin la los ne’e atu núne’e hadia fali ita be kaer ukun ne’e. Iha Justisa ne’e nia laran ita kolia kona ba Konstituisaun, ita kolia kona ba lei no regulamrntu, ita kolia kona ba dever sira ne’e tau hamutuk maka dehan Justisa. Justisa ne’e nia tenki lao diak Justisa mós ita bele dehan katak fó salariu diak ba funsionariu kíkoan sira,PNTL,FDTL, sira tenki hetan salariu ne’ebe diak atu sira bele serbi Nasaun ne’e ho diak” Hateten Kandidatu Prezidente Repúblika ho numeru sorteu 13 Martinho Gusmão iha Studiu Racom Maubisse 10/03/2022.
Kandidatu Prezidete ne’e afirma liu tan rajaun ne’ebe fó motivasaun hakarak kandidata-an ba Prezidente Repúblika tinan 2022-2027.
“Fofoun wainhira hau ba foho atu halo Missa sarani sira kanta dehan katak hamlaha hamrók ami liman ain kolen, múzika ida ne’e desde hau kíkoan hau rona bebeik, hau Joven mós hau rona wainhira hau sai ona Padre mós hau rona bebeik senti biasa mais loron ida ne’e hau senti buat ruma foun teb-tebes e todan teb-tebes. Tamba ne’e wainhira hau fila husi foho ba hasoru mate bian Dom Basilio hau dehan ba nia hateten Amu hau nia fuan laran ne’e la hakmatek tamba sa maka ita ukun rasik-an kleur tinan 20 ona ita nia sarani sira kanta bebeik hanesab ne’e. Entau hau lori tempu naruk ida kolia ho Dom Basilio ikus mai iha 2020 wanhira meja Parlementu monu kaundu krizi polítika ne’e lao dok ona hau foti desizaun. Bainhira hau Kolia iha Telvisaun ka Radiu Polítiku sira dehan kolu tia Batina maka halo polítika, prontu se ida ne’e maka imi hakarak atu hau bele lori povu nia lian hau hakarak duni ne’e buat ida foun tebes iha Igreja nian iha Mundu wainhira Amu Lulik ida hamutuk ho ninia Bispu hakerek karta ba Santu Padre fulan ida deit foti desizaun tamba ne’e maka hau ba kandidata” Haktuir kandidatu PR ho numeru sorteu 13 Martinho Gusmão kinta feira liu husi intervista ho Jornalista RKMM 10/03/2022.
Aliende ida ne’e durante Intervista iha Studiu Radiu Komunidade Maubisse Mauloko hetan Seguransa másimu husi membru Polisia Nasional Timor Leste, observa mós husi observador internasional hamutuk ho Comiçaão Nacional Elição (CNE)
Jornalista Moises da Silva Magno
Editor Joaquim de Fátima Coutinho
