Racom Mauloko-09/02/2022- Ministerio Coodenador Assutu Economi (MCAE), apoiu ai-han Produtu local ba vulneravel iha Municipiu Ainaro apoia nececidade baziku hanesan fos local ne’e, mai husi Governu liu husi Ministeriu Coordenador Assunto Economi (MCAE).
Ba Radio Komunidade Maubisse Mauloko,Administrador Postu Ainaro Villa Nazario de Araujo haktuir katak;
“Apoia produtu local fos refere realiza tamba hetan kooperasaun diak entre Governu Timor Leste liu husi MCAE Hamutuk ho Kompañia Branstall, no distribui ai-han local ba komunidade Vulneravel ne’e distribui ba postu hat mak hanesan Posto Ainaro Villa, Maubisse, Hatobuilico no mos Posto Hatu-Odo no partikularmente iha Suco hitu iha Postu Administrativu Ainaro Villa”.
Administrador Posto Administrativu Ainaro Villa ne’e mos salient liu tan kata;
“Vulneravel ne’ebe maka hetan apoio produtu ai-han local bazeia ba dadus ne’ebe mak husi Ministeriu Estatal husu no ami relata tuir Ministeriu nia husu, ho nune’e Ministerio Estatal relata dadus ba MCAE hodi koopera ho kompañia distributor sira”. hateten Administrador postu Nazario de Araujo ba jornalista Racom Mauloko iha nia fatin
Objetivu husi ne’e hanesan prezente ida ba vulneravel sira atu bele konsumu ai-han produtu local ne’ebe maka hanesan programa Governu nian dehan povu kuda Governu Sosa, no Fos local ne’ebe mak distribui iha Munipio Ainaro total 974 sakas ho kg20, inklui ai-han local seluk hanesan batar, fore-mungu, koto ne’ebe tau hamutuk iha pasta ida.
Jornalista : Clementina Fàtima
Editor : Joaquim Coutinho
