Racom Maubisse (07/02/2022) Segunda ne’e Comisaun Nasional Elesaun CNE halao Aktividade Edukasaun Sívika ba Estudante, Reprejentante Partidu Polítiku no Komunidade iha Aldeia Aimerleu Suku Leo-Lima Postu Administrativo Hato-Udo Municipio Ainaro, ho Tema Importante Promove Esklaresementu kona-ba Aktu Eleitoral no Elisaun ne’ebe Reziliente ho Civid-19.
Objetivo husi aktividade Edukasaun Sívika ida ne’e oinsa atu hasa’e tasa Partisipasaun iha Elisaun Presidensial ne’ebe sei monu iha loron 19 fulan Marsu tinan ida ne’e.
Liga ho ida ne’e ba Jornalista Radio Komunidade Maubisse Mau-Loko Komisariu CNE Municipio Ainaro Alcino de Araújo Barris hateten;
“Comisaun Nasional Eliçoens ohin iha Aldeia Aimerleu Suku Leo-Lima Postu Administrativo Hato-Udo, objetivo Kuntinua halo divulgasaun informasaun kona-ba Aktus Eleitoral liu-liu kona ba Elisaun Presidensial. iha ne’e Materia kona-ba Kompetensia CNE nian, Sistema Eleitoral,no mós kolia kona-ba aprejentasaun keisa reklamasaun, no Krimi Eleitorais. Partisipa husi entidades oi-oin Estudantes Reprejentantes Partidus Polítikus Konsellu do Suku” Dehan Alcino de Araujo Baris ba Jornalista RKMM 07/02/2022.
Nia Kuntinua fundamenta liu tan katak, informasaun hirak ne’ebe maka divulga dadaun ne’e kolia liu kona ba Rekejitus ba Kadidatura iha Elisaun Presidensial, Inklui Regras Kampaña Eleitoral no lalaok Votasaun.
Jornalista : Moises da Silva Magno
Editor : Racom Maubisse Mau-Loko
