Racom Maubisse; 27/01/2022 Ministeriu Administrasaun Estatal Munispiu Ainaro rekruta funsionariu foun ba iha Departementu Tekniku Planeamentu Monitorijasaun no Relatorio, patremonio no Logistiku, Jestaun Aprovajionamento, Tezoreiru no orsamentu, Akontabilidade no Relatoriu, Jestaun Kontratu, Engineiru, no Arkitektu. Total 18 vagas.
Ba Radio Komunidade Maubisse Maloko, Direktur Rekursu Humanu Manuel Ramus hateten, Iha rekrutamentu ne’e tuir planu hodi bele prense iha departemnetu sira ne’ebe maka presija duni Iha Adminisrsaun Munispiu Ainaro.
“Vaga sira ne’ebe maka fo sai, Bazeia ba proposta ne’ebe maka ita husu, tamba ne’e husi Administrasaun Munispiu Ainaro liu husi Dirasaun Rekursu Humanus halo proposta ba iha Ministeriu MAE Nasional no Funsaun Publiku liu husi planu ne’ebe maka ita hato’o ba, tamba ne’e ita fo anunsiu ba vaga sira ne’ebe maka tuir plano no proposta ne’e”. Dehan Manuel Ramus
Nune’e Direktur Rekursus Humanus Municipiu Ainaro ne’e, hatutan liu tan katak, presija ema nain 18 atu bele priense tuir vaga ne’ebe maka anunsio ona iha tinan kotuk no dokumetus ne’ebe maka tama iha Dirasaun Rekursus Humanu nian hamotuk 284, no dokumentus ne’ebe maka passa iha seleksaun, total 129, no rekrutamentu ne’e sei halao ho rigorous, tamba ne’e tuir Resposnabel maksmu Rekursu Humanus Municipiu Ainaro ne’e haklaken liu tan katak;.
“Ita presija ema nain 18 hodi bele priense ba vaga sira ne’ebe anunsio iha fula Dezembru tinan 2021, no agora ita anunsiu fali dokumentus ne’ebe maka passa iha iha fulan Janeiru 2022, tamba ne’e iha dia 27 fulan Janeiru ne’e, ita halo teste eskrita ba sira ne’ebe maka passa iha seleksaun dokumnetus sira ne’e, no rekrutamentu ne’ebe maka ita halao ne’e riguroju tebes no ita halo tuir etapa, primeiru maka ita anunsiu ba vaga, depois de ida ne’e ita simu dokumentus husi konkorente sira ne’ebe maka mai konkore ona ne’e, no total husi dokumentus ne’ebe maka simu hamotuk 284, depois de ida ne’e halo seleksaun ba dokumnetus ne’ebe maka passa ona total 129. Agora ita tama ba iha etapa segundo maka halo teste eskrita”. Dehan Manuel Ramos iha nia Knar fatin Administrasaun Municipal Ainaro.
Direktur Rekursus Humanu fundamenta liu tan katak, iha Munisipiu Ainaro foin primeira ves halo rekrutamentu ne’e tamba ne’e presija duni ema ne’ebe maka iha kapasidade hodi bele priense iha vaga refere, no teste ne’e sei halao ho justu, no sei laiha sistema familiarismo ou partidarismu.
Programa sira hotu iha kada ministeriu inklui Ministeriu Administrasaun Estatal wainhira lao diak precise rekursu humanus hodi bele halao servisu nune’e bele atende publiku, tamba ne’e Ministeriu Administrasaun Estatal kria planu ho politika hodi rekruta funsionariu fun nune’e bele halao knar tuir vaga ne’ebe loke atu nune’e servisu komunidade ho diak, no vaga sira sira ne’e maka hanesan Departementu Tekniku Planeamentu Monitorijasaun no Relatorio, patremonio no Logistiku, Jestaun Aprovajionamento, Tezoreiru no orsamentu, Akontabilidade no Relatoriu, Jestaun Kontratu, Engineiru, no Arkitektu. Total 18 vagas.
Jornalista : Clementina Fàtima
Editor : Joaquim Coutinho
