Racom Maubisse (16/01/2022) Domingu ne’e Presidente Partido Dermokrático PD Mariano Asanami Sabaino fo Pose na Struktura Aldeia 12 Suku Maubisse, Postu Administrativo Maubisse no Estruktura Brigada Sosiedade Demokrátiku Postu Administrativo Maubisse Municipio Ainaro.

Seremonia ne’e Partisipa husi Militantes no Simpatizantes Partido Demokrático Husi Suku 9 iha Postu Administrativo Maubisse Hamutuk ema 2.800.

Iha Deskursu Presidente Partido Democrático Mariano Asanami Sabino hateten louva ho rejultadu ne’ebe hatudu husi Militantes no Simpatizantes Postu Administrativo Maubisse  Municipio Ainaro.

“Ita hutudu duni katak Rai Husar buras ona Partido Democrático, Rai Husar Azul ona, e Rai husar fó fila fali ba esperansa ba Povu ida ne’ebe ke lakon tia nia esperansa, povu ida ne’ebe ke izolado tia, povu ida ne’ebe ke la lao ba malu, povu ida ne’ebe ke susar, Kompañia barak ne’ebe maka hakdasak, ita nia ekonomia ne’ebe haksdasak, ita nia ukun ne’ebe ke impase, ita nia Ukun Nain sira ne’ebe  satan Malu, odio malu no Vinga malu, maibe ohin Rai Husar hatudu buat seluk hatudu kor azul ne’ebe maka Timor Leste tenki iha espransa nafatin” Diskursu Presidente Partido Democrático Mariano Asanami Sabino 16/01/2022

Asanami mós Rekuinese Governasaun tinan 20 ona maibe  Povu sei nafatin halerik ba Dezemvolvementu hanesan estrada, be mos, elstrisidade. Maske Wainhira PD ukun hamutuk ho AMP hahu ona.

“Ita hakarak dikfika Maubere maibe iha 20 Anos povu sei halerik nafatin be mos, povu sei halerik eletrisidade balun seidauk tó. Maske ita wanhira ukun AMP ita hahu ona tau eletrisidade nia inan iha Metinaro, Hera ita tau iha Betanu no  Oecuse maibe iha Suku aldeia  lubuk ida seidauk hetan. 20 Anos lubuk ida sei halerik estrada seidauk diak, 20 Anos Ospital Seidauk tratata didiak, 20 Anos ita sei haketeke nafatin ba kotuk hodi les malu fahe malu” Hateten Asanami

Fatin hanesan Presidente Partido Democático Municipio Ainaro Komar Mendonça ba Jornalista Radio Komunidade Maubisse Mau-Loko liu husi Intervista Klarifika;

“Partisipantes ba loron ohin ba Seremonia Tomada de pose ba Nivel Aldeias, Suku sira hamutuk ema 2.800, nia objetivo atu bele konsilida Militantes estruktura tomak hodi hasoru elisaun Presidensial 2022 no prepara nafatin kuntinua tó 2023” Dehan Komar Mendonça liu husi intervista ho Jornalista Radio Komunidade Maubisse Mau-Loko.

Jornalista         : Moises da Silva Magno

Editor              : Racom Maubisse