Racom Maubisse (10/01/2022) Informasaun ida ne’e ható husi Ministru Obras Públiku (MOP) Salvador Eugénio Sores dos Reis Pires ba Autoridade lokal no Komunidade Municipio Ainaro Segunda Loron 10 fulan Janeiru ne’e Ministru hateten;

“Aituto Hato-Builico, Hato-Builico Letefoho liga ho Municipio Ainaro, Hato-Builico Santo Ariu Nain Feto Ramelau. Tamba ne’e fatin turistiku bele promove atividade ekonomika antrai ema barak mai vizita. Ida ne’e dadauk nia dezeñu hotu ona agora dadauk ne’e nia prosesu ami haruka tia ona ba Kosellu Nasional Aprovisionamentu sira prepara hela fo sai Tenderizasaun iha tempu badak kuandu prosesu sira ne’e hotu ona ita bele implementa dadauk” Hateten Ministru Obras Púbiliku iha Diálogo ne’ebe maka halao entre PM Taur Matan Ruak ho Autoridade Lokal no Autoridade Komunitaria Municipio Ainaro 10/01/2022.

Ministru Obras Públiku (MOP) kuntinua fundamenta  estrada Rurais ne’ebele sei kostroi no rehabilita ba tinan ida ne’e iha Municipio Ainaro Maka Hanesan, iha Maubisse Ululefa, Manelobas, Ululefa Rita, Inklui mós estrada rurais sira seluk  iha Postu Administrativo Hato-Builico, Hato-Udo, no Postu Administrativo Ainaro Villa.

“Estrada rurias ne’ebe maka ita hakarak halo iha tinan 2022 ida ne’e maka hanesan iha manutensaun Maubisse Ululefa, Manelobas, Ululefa Rita, Maubisse Liurai, Liurai Hato-Builico no Fatubosa. Ainaro Maununu, Mau-Ulo Lau, Dare Mau-Chiga, Foho Ailiko Bobe. Ne’ebe Manutensaun ita hakarak halo iha tinan ida ne’e” Fundamenta Governante ne’e.

Alende ida ne’e maka informasaun  kona ba estrada nian ba Municipio Ainaro, MOP halo ona estudu  no dezeñu ba estrada hirak ne’ebe maka planeadu ona sei haruka ba Ajenjia Dezemvolvementu Nasional (ADN) halo verifikasaun hafoin implementa.

Jornalista                     : Moises da Silva Magno

Editor                          : Racom Maubisse Mau-Loko