Rakom Maubisse 05-12-2021,  Sabadu fim de semana  ne’e grupo DPC ho Motor Trail no Offrood e mos estudante balun inklui joven no kunidade balun halao Camping Day Iha Baliba Maubisse.

Ba Radio Komunidade Maubisse Mauloko, Presidente Komisaun Organizadora Camping Day, Noemio Soares hateten katak:

 “Ho idea ami kria grupo camping amizade ida ne’e maka iha hanoin ka ideas ida katak atu halibur kada komunidade hotu tantu husi Dili tantu Maubisse ou fatin sira seluk nebe maka iha ideia positivu liu-liu ita haree kona ba paz no dame tanba dala barak ema dehan joven sira mak autor ba krime maibe na realidade lae,  tanba nebe mak iha inisiativa harii camping amizade atu halibur joven sira hotu nebe sei falta informasaun ho hanoin positivu konaba paz no dame, ami bolu malu hamutuk tau iha fatin ida atu tau hanoin kada komunidade atu shering esperiensia hahu uluk sira nia inisiu too agora daudaun, tamba ne’e ami hili fatin maubisse tanba fatin potensial tebes ba turizmu nebe maka boot tebes tanba nee ami koloka fatin nee atu sai primeiru faze tanba ida nee ami foin hahu ami halo iha balibo i depois tempu mai karik iha tan oportunidade seluk ita sei halo tan”.

Presidente Komisaun Camping Day ne’e mos haktuir liu tan katak:

“Grupo sira nebe mak mai ne’e hamutuk ho DPC senti kontenti tanba simu husi komunidade nebe maka diak ami lahetan problema ruma durante ami ni akampamentu kiik oan ida nee iha Balibo Maubisse, no Noemio mos husu deskulpa ba Komunidade Maubisse Balibo tanba ami lakon komunikasaun, tanba fofoun ami mai rona informasaun katak fatin nebe maka atu camping ba  komunidade sira kuda tia ona batar ho koto, entaun ami lakoi ba fatin seluk maibe fatin iha area besik mos balibo nia parte mos espera katak loron ruma ami sei mai fali atu hamutuk fali ho komunidade balibo”.

Grupo Camping Day ida ne’e iha ona konkordansia katak sei mai fali vizita komunidade sira seluk, tamba ne’e lori komisaun organizadora camping amizade nia naran ho hakraik-ann  husu deskulpa ba komunidade sira nebe maka ami tau ona fotografia hanesan titik ba fatin ba camping nian, maibe ami la konsege.

Jornalista             : Natalino José Mendonca Do Rego

Editor                    : Joaquim De Fatima Coutinho de Fatima