| WARDA DEZENVOLVIMENTU TURISMU MAUBISSE MAULOKO (WDTMM) |
| Warda Dezenvolvimentu Turismu Maubisse Mauloko (WDTMM) refleta oinsa atu dezemvolve Turismu komunitaira iha Posto Administrativu de Maubisse, no turismu komunitariu hanesan sistema turismu nebe kria rasik husi komunidade nune’e bele dezemvolve diak liu tan nune’e bele hamosu sustentabilidade ba envairomentu, no dezemvolvimentu sosial no kultura iha Posto Administrativu de Maubisse. Ba radio Komunidade Maubisse, Jestor Warda Dezemvolvimentu Turismu maubisse Joaquim Coutinho haktuir katak: Sitema turismu komunitariu ne’ebe mak planeia no dezemvolve iha Posto Administrativu de Maubisse sei maneja husi komunidade no benefisia ba komunidade enjeral ho ninia objektivu atu fo dalan ba visitante sira hodi vijita Maubisse. Koalia konaba Turismu komunitaria laos negosio nebe medio ka bo’ot maibe turismu komunitariu ne’ebe kria iha Maubisse ho objektivu atu buka rendementu maximu ba komunidade sira liu husi vijitante sira nebe vijita fatin turismu sira iha Maubisse, nune’e kontribui ba ekonomia local iha Posto Administrativu Maubisse. Programa tuirsmu komunitariu ida ne’e foku liu ba impaktu turismu ba komunidade. Tamba ne’e ho implementasaun programa turismu komunitaria bele muda strategia desenvolvimentu ba komunidade, hanesan maneira ida atu haforsa abilidade husi organizasaun komunidade rural nebe’e mak maneja seitor turismu ho partisipasaun ema lokal sira. Turismu komunitaria laos perfeitu liu, turismu komunitaira hanesan pakote ida atu solusiona problema komunidade nian ho neneik maibe bebeik. Pontu importante husi turismu komunitaria kompostu husi, rekursu naturais, kulturais, ekonomia lokal nebe depende ba susteintabilidade utilizasaun rekursu naturais no kulturais. Kustume no trasidaun kultural mak uniku liu iha fatin nebe destinado iha Maubisse. Grupo komunidade husi turismu komunitaria Maubisse mak komunidade sira ne’ebe iha knua no lidun sira no komunidade sira ne’e mak sei fahe hanoin, normas e planu sira bazeia ba situasaun real iha baze, nune’e bele dezemvolve turismu komunitariu ne’e sai diak liu tan, no komunidade precisa iha kooperasaun diak ho katuas lia nain sira ou responsabel kultura sira iha kada uma lisan hodi kaer metin tradisaun lokal, matenek local konaba vida moris no esperiensia moris iha konua no lidun sira iha Maubisse, no komunidade iha sentimentu no responsabilidade ba programa turismu komunitariu nune’e bele dezemvolve diak liu tan hahu husi sira nia hela fatin, vijinho nune’e bele hakat sai ba komunidade sira seluk ne’ebe konsidera katak komunidade sira nia fatin mos potensial ba turismu komunitariu. Esperansa katak ba oin Warda Dezenvolvimentu Turismu Maubisse Mauloko (WDTMM) sei dezemvolve diak liu tan no buras ba babeik hodi atrai vijitante sira mai vijita Maubisse. Jornalista Natalino Mendonca Editor Moises da Silva Magno |
