by

KOLABORADOR ZONA MAUKOLI MAUBISSE “VOTA BA UKUN RASIK AN LORI SUSAR NO TERUS MAIBE ORGULHO TAMBA HETAN LIBERDADE”

DOMINGOS ALBERTO CARLOS, KOLABORADOR ZONA MAUKOLI MAUBISSE “VOTA BA UKUN RASIK AN LORI SUSAR NO TERUS MAIBE ORGULHO TAMBA HETAN LIBERDADE”

Timor Leste nia ukun rasik-an laos entrega husi bandeisa, maibe liu husi luta naruk ne’ebe ema rihun ba rihun mate fakar ran, lakon riku soin, ikus mai hatudu rejultadu liu husi votasaun. Relasiona ho luta libertasaun nasional ne’ebe han tempu naruk kuaze 24 anus, Ba radio Komunidade Maubisse Mauloko, Kolaborador Zona Maukoli Posto Adm. Maubisse Domingos Alberto Carlos haktuir katak

 Tuir lolos ohin dia 30 de Agosto 2021 ita komemora loron konsulta popular iha Timor laran tomak, maibe tamba moras covid-19, ita labele selebra ou komemora, maske nune’e responsabel resistensia ne’e mos fo korajem atu komunidade sira iha Maubisse nafatin iha esperansa ba ita nia ukun nain sira atu servisu makas nune’e bele hases lalais moras mundial ida ne’e, atu nune’e iha tinan oin ita bele selebra hikas fali ita nia loron konsulta popular, tamba agora dadaun ita hasoru hela pandemia kovid-19.

Relasiona ho la komemora loron konsulta popular ba dala 22, Kolaborador Zona Maukoli ne’e mos haktuir ninia Historia relasiona ho votasaun nebe mak nia participa hamutuk ho nia maluk resistensia sira iha Suco Maulau maubisse, Tuir Domingos Alberto Carlos katak

“Iha tinan 22 liu ba Kolaborador Zona Maukoli Maubisse ne’e ezerse nia votu iha suco Maulau Maubisse, no iha tempu ne’eba hasoru presaun makas husi milisia pro Indonesia. Maibe ho esperanca maske hasoru presaun oi oin maibe kolaborador zona maukoli maubisse ne’e ho nia maluk sira fo votus ba ukun rasik –an. Nune’e mos Tuir kolaborador zona maukoli ne’e katak depois de halao votasaun ha tinan 22liu bafila husi maulau, ba Maubisse, depois hetan ameas iha dalan maibe konsege liu ba maubisse nune’e ikus bele halai sai ba ailaran.

Hanoin ba tinan 22 liu ba kolaborador zona maukoli nia fatin votasaun iha 1999, mak ohin dia 30 de Agosto 2021, hakat fali ba hodi relebra hikas konaba oinsa iha tempu liu ba kolaborador ne’e ho nia maluk seluk mai vota iha suco Maulau Maubisse.

Jornalista Joaquim de Fatima Coutinho

Editor Joaquim de Fatima Coutinho

Comment