OFICIAL GOVERNU LOCAL PA MAUBISSE CLAUDINO MENDONCA ITA LABELE SELBRA KONSULTA POPULAR 30 DE AGOSTO TAMBA INFRENTA HELA MORAS KOVID-19
Iha tinan ida ne’e ita labele selebra loron konsulta popular 30 de Agosto tamba ita hasoru hela moras pandemia kovid-19, ho nune’e governu disidi ita labele halao serimonia boot, nune’e evita ita husi moras mundial ne’e.
Relasiona ho pandemia kovid-19 Posto Administrativu de maubisse mos labele halao serimonia ruma hodi komemora loron konsulta popular ba dala 22, maibe iha sorin seluk autoridade local Posto Maubisse, halao ditribuisaun nececidade baziku ba komunidade Suco tolu mak hanesan Suco Maulau, Suco Manelobas no Suco Edi Maubisse,
Ba Radio Komunidade Maubisse Mauloko, Oficial Gobernu Local Posto Administrativu de Maubisse, Claudindo Mendonca hatenten katak, ita labele selebra loron konsulta popular tamba ita hasoru hela moras mundial ne’ebe afeta mundo inklui ita nia rain Timor Leste.
Maibe tamba ita iha apoiu balun mai husi maluk sira iha nasaun Inglaterra entaun ita uja oportunidade ida ne’e hodi mai halao distribuisaun iha suco tolu mak hanesan suco Maulau rasik, Suco Manlobas no suco Edi, ne’e hanesan parte ida ita selebra ona loron konsulta popular 30 de Agosto.
Apoia ne’ebe mak ofrece husi ita nia belun ida husi Inglaterra ho osan uitoan porvolta $ 1,635.00, no osan sira ne’e se ita fahe deit la to’o entaun ita sosa aihan hanesan fos, mina, supermi, no masimidar, nune’e bele mai fahe.
Ho situasaun ohin loron ita ita nia komunidade sira hasoru hela moras ida ne’e liu liu kbit laek sira entaun sira la iha dalan hodi buka moris, maibe liu husi meus sira hanesan ne’e bele ajuda ona sira nia familia uma laran.
Participa iha distribuisaun nececidade baziku ne’e mak CDO Posto Maubisse, Komandante PNTL Maubisse ho Adjunto, inklui membru PNTL no mos media local.
Jornalista Joaquim de Fatima Coutinho
Editor Joaquim de Fatima Coutinho
