KOMANDANTE PNTL POSTO MAUBISSE: TINAN 22 LIU BA ITA VOTA HO TAUK NO TRISTE TAMBA TERROR NO INTIMIDASAUN, OHIN LORON ITA KONTENTE MAIBE TRISTE HO PANDEMIA COVID-19

Tinan tinan ita sempre selebra loron konsulta popular maibe tinan ida ne’e ita triste tamba labele selbra loron konsulta popular tamba deit ita hasoru hela moras boot ida hanaran ovid-29. Katak maske ita la komemora loron konsulta popular hanesan tinan hirak liu ba tamba pandemia kovid-19, maibe ita bele komemora loron importante ida ne’e iha ita ida idak nia fatin no ita ida idak nia fuan.

Tuir komandante PNTL Posto Administrativu de Maubisse Afonso da Silva, haktuir ba Radio Komunidade Maubisse Mauloko katak, hanesan sidadaun ita hotu triste tamba lakomemora loron importante konsulta popular 30 de Agosto ba dala 22, maibe ita la lakon esperansa tamba it abele komemora loron konsulta popular iha ita ida idak nia fatin no iha ita ida idak nia fuan, nune’e bele fo valor ba ukun rasik-an.

Tamba ne’e lider seguranca Posto Administrativu de Maubisse ne’e apela ba komunidade hotu iha Posto Administrativu de Maubisse atu selebra loron importante ida ne’e iha ida idak nia fatin, tamba ita infrenta hela moras mundial covid-19.

Nune’e mos komandante PNTL ne’e apela ba komunidade hotu iha Posto Maubisse atu kria nafatin paz no estabilidade, nune’e kontribui ba estabilidade posto Maubisse, no husu ba komunidade sira atu kontribui hamutuk hodi ba vasina tamba moras kovid-19 invade ona ita nia rain Timor. Tamba ne’e husu atu autoridade suco no aldeia sira inform aba sira nia komunidade atu bele hetan vasina husi pessoal saude sira ne’ebe mak karik tempu badak sei mai halao vasinasaun iha suco no aldeia.

Lia hirsak ne’e komandante PNTL Posto Maubisse, hato’o iha halao distribuisaun nececidade baziku ba uma kain tolu nulu iha suco Maulau Maubisse nebe ofrece husi Laura Francis husi inglaterra ba komunidade Maubisse.

Jornalista Joaquim de Fatima Coutinho

Editor Joaquim de Fatima Coutinho