Tekniku DNCRC-SEKOMS fo formasaun durante loron ida ba Jestor no tekniku husi radio komunidade 16 husi municpiu Sanulu resin rua inklui Raeoa Oecusse. Iha Abertura Director Nasional Centro Radio Komunidade Abel da Conceicao hateten katak, DNCRC fo apou maksimu ba estabelesimentu Radio Estreaming no website, nune’e bele tulun Radio Komunidade sira iha hato’o informasaun husi baze ba nasional. Tuir Jestor Radio Komunidade Comoro Natalino de Araujo ne’ebe participa mos iha formasaun wesite ba Radio Komunidade sira nebe facilita husi DNCRC, katak nia sente kontente ho formasaun ida ne’e nune’e bele ajuda radio komunidade sira hodi hato’o informasaun, tamba agora ita tama iha era globalizasaun no dizitalizasaun.
Objektivu husi formasaun ida ne’e mak atu kapacita jetor no tekniku radio komunidade sira oinsa atu bele hato’o informasaun liu husi radio steaming no website radio, ne’ebe mak hetan apoiu husi DNCRC-SEKOMS.
Formasaun ne’e rasik participa maksimu husi jestor no tekniku sira husi estasaun radio komunidade 15, no Ainaro mak la participa.
Kobertura Joaquim Coutinho, 24/08-2020
