Jestor Racom Maubisse Joaquim de Fatima Coutinho Lori Komunidade Maubisse nia naran Agradese ba Apoiu Solidaridade Sejuita ba Komunidade Postu Maubisse.
Lian agradesementu ne’e hato wainhira Amu Sira husi Kongregasaun Sejuita ho Ekipa Oferese Apoiu Aihan Nesasidade Bajiku no Material dapur nian ba Komunidade Afeitado Dezastre Naturais Uma kain 138 iha Postu Administrativo Maubisse Sexta Loron 25 fulan Junho ne’e.
“Hanesan Mídia lokal, hanesan Komunidade, e hanesan mo’os foinsa’e ida iha Maubisse. Ami senti orgulho no agradese tebes ba Amu sira mai husi Sejuita tamba bele rona ami nia lian no rekomendasaun sira hodi ikus mai ita bele halo kooperasaun hodi bele fo ajudus ba ita nia maluk afetados sira liu-liu ba sira ne’ebe foin lalais iha loron 4 fulan Abril liu ba ne’e hetan dezastre.Tamba ne’e e nome komunidade Maubisse hato Agradesementu ba iha Apoiu hirak ne’e.” Hateten Jestor Racom Msubisse 25/06/2021.
Coutinho kuntinua dehan tan katak Kooperasaun ida ne’e halao liu husi Media Sosail Facebook ho Amu sira husi Kongrgasaun Sejuita liu Publikasaun Ajudus sira ne’ebe maka Amu sira halao iha Municipio Manatuto ba Komunidade Afeitado dezastre Naturais ne’ebe maka akontese iha Loron fulan Abril liu ba.
“Hau hare husi Pagina Facebook Amu Sejuita sira nian kaundo hau hare la sala amu sira ba fahe la iha Manatuto.Entaun ho ida ne’e hanesan Midia lokal ne’ebe maka kalan loron lao bebeik hodi buka informasaun ami senti katak ne’e mo’os ami nia responsabilidade ho ida ne’e hau maka hakerek deit lia fuan ida rua iha Pagina Fecebok ne’e rasik e depois to fali kalan hau hetan Imbox husi Amu. Ikus mai maske kooperasaun ida ne’e lao kleur itoan maibe ohin akontese duni iha Maubisse.”Kuntinua dehan JestorRacom Maubisse.
Ligado kooperasaun ida ne’e ba Jornalista Radio Komunidade Maubisse Mauloko Padre Julio Sousa husi Kongregasaun Sejuita haeten apoiu ida ne’e halao tamba hetan koneksaun ho radio Komunidade Maubiss liu husi Jestor Racom Maubisse Joaquim de Fatuma Coutinho.
“Objetivo mai iha ne’e tuir lolos atu ajuda ba ema sira ne’ebe hetan afeita husi inundasaun ne’e. Komu tempu naruk liu tia ona difisil atu mai halo surat oi-oin entaun ami hetan koneksaun husi Radio Komunidade iha Maubisse ne’e, hodi dehan katak ema barak maka sei presija tulun. Tamba ho linha de koornedauns ne’ebe maka diak ami mai to’o iha fatin ida ne’e bele mo’os ajuda ita bo’ot sira.” Hateten Pe.Julio Sousa 25/06/2021.
Pe. Julio Kuntinua hatutan sasan ne’ebe maka Ofere dadaun maka hanesan sasan dapur nia kuaje kompletu, fos, Mina, Supermi,Inklui Kulisaun no Kolsa ba Familia kada uma kain. Alende ho Apoi ida ne’e tuir Istimasaun ba osan kada familia ho osan montante $140 Dolares Americano.
Jornalista Natalino Mendonça
Editor Moises da Silva Magno
