Responsabel Maksimu Hospital Referal Maubisse Husu Komunidade sira keta rona Boatus husi liur kona ba Vasinasaun.

 Gabriela da Conçeição Magno Pereira hato Mensagen ne’e iha Aktividade Vasinasaun ne’ebe maka halao ba Komunidade Suku Maubisse Segunda Loron 21 Fulan Junho foin lalais ne’e.

“Hau fo hatene ba komunidade sira la bele tauk, ita bo’ot sira  mai la bele rona boatus sira iha liur no lia bosok sira. Ita bo’ot sira mai to iha ne’e ekipa sei fo’o hatene ba ita bo’ot sira saida maka sei halo se karik ita bo’ot sira iha tensaun ruma sei koko ekipa sei fo’o informasaun barak ba ita bo’ot sira entaun diak liu hakbesik-an mai postu saude sira ne’e atu ita bele simu Vasina diak ba ita nia saude diak ba ita nia familia no komunidade.” Hateten Responsabel HR. Maubisse 21/06/2021.

Ligado ho ida ne’e Tuir Sidadaun Suku Maubisse ne’ebe maka Simu ona Vasina iha Segunda feira ne’e Carlito Carlos Pereira Sarmentu hateten.

“Sentimentu ba Vaksin hau senti katak diak  ba ita nia Saude  bele lao livre husi Covid-19. Hau nia Mensajen ba Kolegas familias sira hotu katak agora dadaun Timor Mundu Kompelein ho Covid-19 husu ba ita hotu tenki hakat-an mai iha Sentru saude atu bele hetan Vaksin nune’e bele lao livre iha Tereitoriu Timor laran tomak.” Hateten Carlito 21/06/2021.

 Tuir Porofessora Eskola EBC Maubisse Villa Rosa Olga Mendonca Kuntinua hatutan hafoin de simu Vasina iha Sede Suku Maubisse haktuir katak.

“Ba Maluk Komunidade sira iha Maubisse hau Enkoraja ba ita bo’ot sira katak la bele tauk atu mai simu Vasina, hau mo’os fofoun  tauk atu simu Vasina tamba rona ro moris oin-oin  kona ba ema nia Vaksin sira katak balun hetan moras ka lumpu maibe, ohin hau senti diak hela”. Kuntinua haktuir Professora Rosa Olga Mendonca.

Liu husi Vasina atu hasae imundade ba ema idak-idak nu’une bele lao livre iha Teretoriu Nasional no mo’os Rai Liur.

Jornalista Aplonia Martins

EditorMoises Magno