Eis Juventude Klandestina Postu Administrativo  Maubisse deklara Fo’o  Apoiu Maximu ba Lidaer Nasioanl Kay Rala Xanana Gusmão atu kuntinua Lidera rai ida ne’e, nu’une hasai Povu husi kiak no mukit.

Deklrsaun ne’e hato liu husi Komunikado Imprensa ne’ebe maka  halao iha Sabado loron 19 fulan Junho  Fin de Semna iha Postu Administrativo Maubisse Municipio Ainaro.

Iha komunikadu Imprensa ida ne’e Porta Vos Domingos Matins Bossa deklara, husu ba Juventude Klandistina Suku Sia iha Postu Administrativo Maubisse Atu lolo liman hamutuk hodi fo fiar dala ida tan ba Lider Nasional Kay Rala Xanana Gusmao hodi hadia rai ida ne’e hodi kore Povu husi kiak no mukit tuir mehi ne’ebe maka mehi hamutuk ona iha Tempu okupasaun Maske Patria Liberta ona maibe Povu seidauk Liberta.

“Hare ba situasaun real iha Nasaun Timor Leste ne’ebe oras ne’e dadaun ladun lao ho diak hodi dezemvolve Nasaun Timor Leste tuir mehi nebe ita mehi hamutuk iha tempu okupansaun Militar Indonesia durante 24 anus, katak mate ka moris ukun rasik-an.

Maibe depois de ukun rasik-an durante tinan 20 ona, ita ladauk hetan moris diak, hodi dezemvolve ita nia rain no liberta Povu husi kiak no mukit. Signifika Patria Ita Liberta ona, maibe Povu Seidauk Liberta husi Kian no Mukit.

Tamba ne’e, hanesan Eis Juventude Klandestina ne’ebe iha okupasaun indonesia, hamutuk ho funu nain Falintil, Igreja Katolika,  no Povu tomak luta ba ukun rasik-an, hatudu tan dala ida hamutuk ho maun boot Xanana hodi hadia povu nia moris no hasai Povu husi kiak no mukit.

Ho situasaun hirak ne’e halo ita sai konfuzaun iha rai ida ne’e, tamba ne’e tuir Juventude Klandestina Posto Maubisse katak, diak liu mai ita hamutuk dala ida tan ho Maun Bo’ot Xanana fo apoia ba Maun Bo’ot hodi lidera tan rai ida ne’e, nune’e bele hadia Nasaun no fo moris diak ba Povu Timor Leste.” Porta Voz Domingos Martins Bossa iha Komunikadu Imprensa ne’e 19/06/2021.

Liu hus Komunikadu Imprensa ida ne’e mo’os Eis Juventude Klandistina Postu Administrativo Maubisse Konsidera Lider Nasioan Kay Rala Xanana Gusmao hanesan Aman no mata dalan Kuntinuador Lori Porsesu tomak ba ukun Rasik-an.

“Tamba uluk iha tempu susar nia laran ita hamutuk ho maun boot xanana, ho asuwaun Falitinl, Igreja Katolika no Povu tomak, luta ona ba ukun rasik-an, ikus mai atinji duni, tamba ne’e agora hamutuk tan dala ida ho Maun Bo’ot lutan ba Povu nia moris diak.

Tamba Maun Bo’ot Xanana mak hanesan mata dalan, hanesan aman no hanesan kontinuador, hodi lori prosesu tomak ba ukun rasik-an.

Hakarak deklara katak, deklrasaun ida ne’e, halo laos reprezenta Partidu Politika balun, maibe deklarasaun ida ne’e halo husi representante Juventude Resistensia nebe uluk haliburan iha rede Klandestina Posto Administrativu de Maubisse.  Ho ida ne’e, mai ita hamutuk fo fiar dala ida tan ba Maun Bo’ot Xanana hodi lidera rai ida ne’e, nune’e bele hasai Povu husi kiak no mukit. Ikus liu, husu ba Juventude Klandestina Suku sia iha Posto Maubisse, kahe kabas ba malu no lolo limanhamutuk fo apoia maksimu ba Maun Bo’ot Xanana Gusmao hodi bele lidera dala ida tan Nasaun Timor Leste, hodi hadia Povu nia moris……Obrigado.

Viva Maun Bo’ot Xanana, Viva Asuwain Falintil, Viva Igreja Katolika Viva Maubisse No viva Timor Leste.” Porta Voz 19/06/2021.

Biban ida ne’e Komunidade Suku Maubisse Manuel Siquera de Araujo ne’ebe maka hanesan mo’os Eis Juventude Klandistina iha Komunikadu Imprensa ida ne’e  Kuntinua  hateten.

“Hanesan Komunidade bai-bain ida iha Maubisse uluk hanesan mo’os Klandistina, Semana ida nia laran ami Eis Juventude  Klandistina Postu Administrativo Maubisse Municipio Ainaro lao hamutuk hodi hasai hanoin ida katak Situasaun Timor ne’e ba ami Eis Juventude Postu Administrativo Maubisse hare katak Situasaun Politika iha Tmor lao la dun diak. Tamba ne’e ami Juventude Klandistina Postu Maubisse nian husu ba Juventude hotu iha Maubisse laran iha mo’os Postu Ainaro Municipio Ainaro atu lolo liman ba malun laos hare ba Partido no hare ba kor, maibe tempu to’o ona atu ita hare ba kotuk hodi kaer metin ita nia Maun Bo’ot ne’eba maka uluk hamutuk ho Igreja Dom.Carlos, hamutuk mo’os Dr. Jose Ramos Horta iha Naaun Liur hodi hetan Indepedensia ida ne’e. Ami hato ida ne’e laos atu buka fatin Maibe ami nia hakarak Maun Bo’ot sira atu tur hamutuk hodi dezemvolve Rai ida ne’e ba oin”. Hateten Eis Juventude Klandistina Postu Administrativo Maubisse 19/06/2021.

Entertanto Komunikado Imprensa ida ne’e halao hosi Eis Juventude Postu Administrativo Maubisse Municipio Ainaro Sabado Fin de semana ne’e.

Jornalista         :Junior Martins Villa

Editor              :Moises da Silva Magno