Kada sidaun obrigatoriu tenke iha sertidaun moris RDTL, tamba ne’e sidadaun hotu hotu atu ba tarata sertuan RDTL tenke iha Dokumentus sira ne’ebe precisa hodi ba tarata sertidaun moris rdtl iha notariadu. Tamba ne’e Inan-aman sira iha obrigasaun tenke kompleta dokumentus sira nune’e bela ba tarata oan sira nian sertidaun moris RDTL iha notariadu. Katak ho sertidaun RDTL bele Fasilita labarik tama eskola ho otas lolos, Proteje labarik sira husi adopsaun ilegal, labarik serbisu, detensaun no prizaun ilegal sira no seluk seluk tan, e Fornese dadus estatístiku ba guverno hodi fasilita planeamentu ba serbisu social hanesan hari’i eskola no postu saude.
Tamba ne’e kada sidadaun, tenki rejista kedas oan sira wainhira moris, no labele liu semana ha’at, komesa loron ne’ebé ita nia oan moris halao kedas registu iha aldeia suco no karik moris iha klinika ka sentru saide sira husu atu parteira sira rejista kedas hodi hetan kartaun liziu nune’e oan sira bele hetan sertidaun moris RDTL iha notariadu.
Baibain ita duvida oinsa atu tarata sertidaun moris rdtl iha notariadu? Antes atu hakat ba hasai sertidaun moris RDTL iha notariadu/ tenke hetan deklarasaun husi suco, lori sertidaun inan aman nian, hanesan sertidaun kasamentu, sertidaun rdtl, karik oan sarani oan bele lori sertidaun batismu ou karik partus iha hospital bele lori mos kartaun liziu husi hospital nian, nune’e bele ba tarata sertidaun moris rdtl iha notariadu/ se registu ona oan sira iha eskritóriu rejistu sivil, sei hetan oan sira nia sertidaun moris RDTL no sira nia sidadania Timor-Leste atu bele asesu ba edukasaun nomos bele asesu ba assuntu seluk ne’ebe mak sei garantia labarik sira nia futuru/ tamba futuru iha ita nia liman rasik.
Ba jornalista radio Komunidade Maubisse, Mauloko, 25/09/2020, Manuel Sequeira de Arajuo hateten katak Labarik-sira iha direitu tomak atu hetan sira-nia sertidaun moris RDTL. Tamaba ne’e, Inan-aman sira tenke rejista sira-nia oan atu hetan sertidaun moris RDTL, tamba sertidaun RDTL dokumentus importante nebe kada sidaun ida hakarak lakohi tenke iha.
Entertantu tuir Esmeralda Pereira Carlos katak hanesan inan ida iha responsabilidade ba oan sira nia future, ho nune’e wainhira atu ba tarata oan sira nia sertidaun moris RDTL, tenke lori Dokumentus sira ne’ebe precisa hodi ba tarata sertidaun moris rdtl iha notariadu. No dokumentus sira nebe precise mak hanesan deklarasaun husi suco, lori sertidaun inan aman nian, hanesan sertidaun kasamentu, sertidaun rdtl, katak ho sertidaun moris RDTL deit mak bele garante ita boot sira nia oan nia future.
Rejista kedas ita-bo’ot nia oan wainhira moris, no labele liu semana ha’at/ komesa loron ne’ebé ita nia oan moris/ sei lori ita ba kompriende konaba oinsa atu tarata sertidaun moris RDTL.
Jornalista Juliana Maria Ferrao
Editor Racom Maubisse
