Ainaro 25-02-2021, Ministro Estatal Sua Excia Miguel Pereira, fo Posse ba Administrador Foun Municipiu Ainaro Leovigildo Amaral Pereira iha Salao Administrasaun Municipiu Ainaro.
Iha diskursu ba tomada de posse Administrador Municpiu Ainaro,Ministru Administrasaun Estatal Miguel Pereira, hateten katak governu sentral depozita konfiansa ba administrador foun hodi garantia planu governu sentral iha Munisipio Ainaro, esensial planu desenvolvimentu hodi hadia povu nia moris.
Depois de Administrador Foun Municipiu Ainaro Leovigildo Amaral Pereira, simu Tomada de posse husi Ministru Administrasaun Estatal, ba jornalista radio komunidade maubisse mau loko, administrador ne’e hateten katak, nudar administrador foun nia parte sei kolabora servisu hamutuk ho entidades hotu inklui autoridade postu to’o suku hodi dezenvolve Munisipiu Ainaro iha future.
Entertantu iha tomada de posse nee marka prejensa hosi ministru administrasaun estatal ho ekipa, destintus deputadu balun parlamentu nasional, ministra saude, vice minisro agrikultura e peskas , sekretariu estadu sefope, inklui linhas sektorais sira nebe esiste iha Municipiu Ainaro, autoridade postu no suku sira iha munisipiu ainaro.
Jornalista : Joaquim de Fatima Coutinho
Editor : Joaquim de Fatima Coutinho
