Racom Maubisse, 27/11/2024, Ho Komemorasaun Loron Proklamasaun Independencia 28 De Novembro Ba Dala 49 Iha PA Maubisse, Secretário de Estado dos Assuntos Toponímia e Organização Urbana – SEATOU, Germano Santa Brites Dias ho komitiva Vijita Sítiu Turístika Rabilau Maubisse, iha Suco Maubisse Villa, Posto Maubisse, Municipiu Ainaro. Perante vijita secretariu Estado dos Assuntos Toponímia e Organização Urbana ho komitiva sente kontente tamba hare paisazem rabilau nian ne’ebe furak no hakmatek, ho nune’e iha intervista ba Radio Komunidade Maubisse Mauloko, Secretario Estado dos Assuntos Toponímia e Organização Urbana Germano Santa Brites Dias hateten katak;
“Ho preparasaun Içar Bandiera ba iha 28 de Novembro iha Posto Administrativo de Maubisse, ba dala 49, ho eventu importante no historiku ida ne’e mak ha’u mai iha maubisse aumesmu tempu ha’u hakarak mai visita fatin Turismu Rabilau hodi hare’e diretamente nia natureza no beleza , e hare katak fatin ida ne’e furak tebes bele atrai turista mundial sira mai vizita, Agradese ba kolega sira tamba bele servisu hamutuk ho kolega Liurai Maubisse nian, komunidade tomak bele kuidadu fatin ne’e furak tebes, hatudu ba mundu hodi dada turista sira mai visita fatin ne’e, nune’e mós sira bele rai hela riku soin ruma iha ne’e ba komunidade sira ne’ebé mak presisa”. Hateten SEATOU Germano Santa Brites Dias.
Husu konaba oinsa SEATOU nia hare konaba Paisazem ne’ebe furak akompanha ho anin fresku foho nian;
“Fatin ne’e furak tebes la hanesan ho fatin sira seluk, ida-idak ho nia natureza ne’ebé úniku, fatin ida ne’e di’ak duni ba Timor, liu-liu iha rai Maubisse, husu ba komunidade sira atu kuida ambiente ne’e halo didiak, labele sunu rai, labele husik animal, atu nune’e Turista sira mai bele hare mós katak serve duni prepara ba fatin kultural.”
Relasiona ho vijita kortezia ne’ebe mak Secretario Estado dos Assuntos Toponímia e Organização Urbana Germano Santa Brites Dias ho komitiva vijita ba sítiu turistiku komunitariu Rabilau Maubisse, ba Radio Komunidade Maubisse Mauloko, Chefe do Suco Maubisse Villa Wilson Nivio Mendonça hateten katak;
“Hanesan Lideransa Komunitariu e mos hanesan Vice Presidente WARDA turismo komunitariu Maubisse Mauloko, sente kontente tamba Secretario Estado dos Assuntos Toponímia e Organização Urbana Germano Santa Brites Dias ho komitiva bele vijita fatin rabilau, ida ne’e ba ha’u sente konente no husu atu bele vijita bebeik fatin Rabilau”.
Nune’e mos iha fatin hanesan Jestor Warda Dezemvolvimentu Turismu Komunitariu Rabilau maubisse Joaquim de Fatima Coutinho, hateten katak;
“Hanesan Jestor Ba Warda Dezemvolvimentu turismo komunitariu Maubisse Mauloko sente honradu tamba membru governu ida hanesan SEATOU bele vijita fatin Turismu Rabilau, tamba hanesan jestor hamutuk ho estrutura tomka iha fatin Rabilau hakarak agradece ba SEATOU ho komitiva bele vijita ona Rabilau”. Dehan Jestor Warda Joaquim Coutinho”.
Perante vijita Secretario Estado dos Assuntos Toponímia e Organização Urbana Germano Santa Brites Dias ho komitiva iha Maubisse no Rabilau akompanha husi Autoridade local, veteranus, igreja no komunidade sira.
Jornalista : Luciana Reis
Editor : Joaquim Coutinho
