Racom Maubisse, 27/11/2026, Relasiona ho Komemorasaun loron Proklamasaun Independencia Unilateral 28 de Novembro 1975-2024 ba dala 49 iha Posto Administrativo de Maubisse, Secretario Estado Dos Assuntos Toponímia e Organização Urbana, Germano Santa Brites Dias, Husu ba Vendedores sira Iha Merkadu Municipal Maubisse atu Labele Uja Espasu Publiku Hodi Fan Sasan, No Labele Soe Lixu Arbiru no tau lixu iha nia fatin.
Espasu Publiku mak fatin ne’ebe livre atu ema lao ain sira ka konsumidores sira bele utilija hodi lao ba mai ho livre, tamba ne’e iha intervista Secretariu Estado Dos Assuntos Toponímia e Organização Urbana, Germano Santa Brites Dias, ba Radio Komunidade Maubisse Mauloko hateten;
“Husu vendedor sira labele soe lixu arbiru no tau lixu iha nia fatin, kuidadu ambiente, tempu ida ha’u sei mai hamutuk ho vendedor sira halo limpeza ba merkadu Maubisse, tamba ne’e huu ba Komunidade ho Vendedores Maubisse oan sira tenki kuidadu espasu públik sira, liu-liu Trotoar ho Valeta sira, labele taka Valeta no trotoar sira, labele uja fatin trotoar no valeta hodi soe foer no fan sasan, fó espasu ba ema lao, maluk sira la kuidadu lixu no soe lixu arbiru iha valeta ho kafe laran sei estraga ambiente, tamba ne’e tempu ida ha’u sei mai iha Maubisse hamutuk ho komunidade no vendedor sira hodi halo limpeza”.
Iha fatin hanesan Relasiona ho mensajem Sec. Dos Assuntos Toponímia e Organização Urbana, Germano Santa Brites Dias, ne’ebe Husu Vendedores Iha Merkadu Maubisse atu Labele Uja Espasu Publiku Hodi Fan Sasan, No Labele Soe Lixu Arbiru, chefe Suco Maubisse Wilson Nivio Mendonça hateten katak;
“Hanesan Lideransa komunitariu iha Suco Maubisse Villa pronto servisu hamutuk ho SEATOU ho vendedores no komunidade hodi bele halo limpeza bai ha espasu publiku no trotoar sira, maske tempu liu bai ta esforsuan ona hodi halo limpesa iha merkadu Maubisse no fatin publiku sira, maibe komunidade nafatin soe lixu arbiru no uja espasu publiku sira hanesan trotoar hodi fan sasan no soe lixu arbiru”.
Posto Maubisse Kompostu husi suco sira no aldeia nen nulu resin rua, ho nia populasaun trinta e um mil resin ninia komunidade mayoria mak moris nudar vida agrikultor no merkadu ne’ebe sira uja hodi fan produ local mak merkadu uniku iha maubisse, no espasu merkadu klot besik Estrada nasional, nune’e mak sempre hamosu lixu barak no vendedores sira uja mos espasu publiku sira hanesan trotoar hodi fan produ sira. Hein katak governu liu husi Autoridade local no SEATOU iha tempu badak bele hamutuk ho komunidade no vendedores sira halo limpeza ba espasu publiku sira.
Ekipa Kobertura; Racom Maubisse Mauloko
Jornalista : Carme de Jesus Flora
