Rakom Maubisse, 23/10/2024, Assosiasaun Radio Komunidade Timor-Leste (ARKTL) realiza workshop ba radio komunidade iha area Sul hodi hasoru mundu digitalizasaun.

Iha intervista ba Radio Komunidade Maubisse Mauloko, Prezidente Asolsiasaun Radio Komunidade Timor Leste Prezado Ximenes  hateten  workshop ne raliza ba Jornalista sira iha Radio Comunidade iha area Sul,oinsá atu hasoru Munudu dizitalijasaun, no sei realiza tan ba radio komunitaria parte Leste no Oeste. ARKTL hatete objetivu principal husi formasaun ne’e katak;

“Objetivo prinsipais husi formasaun ne’e, primeiru mak  hakarak hakbit kapasidade husi jornalista radio komunidade sira, kapasidade iha parte ida mak oinsá sira bele servisu, ezamina informasaun ne’ebé mak los sira bele hatene makanizmu, maneira oinsá mak identifika informasaun ne’ebé mak falsu ou hoax, konesementu báziku identifika informasaun sira ne’ebé atu públika ba sosiedade liu  husi sira nia kanal radio komunitariu, formasaun ne’e mós atu ajuda radio komunidade bele  hetan informasaun ida ne’ebé lós ba sosiedade, servisu iha radio komunitariu iha ona kapasidade, informasaun ida ne’e ita hakarak kapasita kolega sira para iha kapasidade ba ida ne’e, pelumenus ita la diak liu hanesan radio Timor-Leste, ne’ebé ke iha kapasidade boot liu, maibé radio komunitario iha ituan konñesimentu sira ne’e, tamba ho kapasidade hanesan ne’e sira bele ajuda, harii sosiedade ne’ebé ke forte, demokrátiku tamba konsumi informasaun ne’ebé mak loos.Treinamentu ne’e fahe ba grupu tolu Primeiru mak iha ne’e, ba radio komunidademak parte sul, depois sei kontinua ba radio komunitaria leste  no ikus liu mak iha parte Oeste nian”.  Hatete Prezidente Asolsiasaun Radio Komunidade Timor Leste Prezado Ximenes

Iha fatin hanesan Chefe Equipa Monitorizasaun SEKOMS Xisto da Costa hatoo ba radio komunidade Maubisse Mauloko haktuir katak katak;

 “Hanesan parte sekoms liu husi diresaun nasional dezaminasaun informasaun hatoo ba radio komunidade sira hotu, kada informasaun sira ne’ebé maka iha diak liu investigativu para hatene liu tan nia kronolozia, tamba ita boot sira mak papel importante ne’ebé besik liu iha komunidade nia leet, se karik kuandu dezinformasaun ka liafuan hoax mak husi ita boot sira rasik ne’e ninia influensia negativu boot liu ba komunidade iha suku refere no mós iha aldeia remotas sira.  Ida ne’e tau ona iha plau asaun anual ne’ebé maka aposta iha DNDI atu apoiu kada asosiasaun sira ne’ebé mak iha hanesan AZTL, ARKTL, UPZTL no TLPU, Objetivu principal oinsá sira fó formasaun ba komunidade sira, jornalista no mós estudante sira atu bele kombate hoax iha sosiedade sira nia leet.” Hatete Sisto da Costa.

Depois de Abertura husi Chefe do Suco Maubissew villa Wilson Nivio Maria Pereira Mendonca konaba treinamentu Jornalismu ne’ebe organiza husi ARKTL no apoiu fundus Husi SEKOMS lideransa Komunitaria ne’e hateten katak;

“Objetivo ami nia prejensa iha ne, liliu mak loke hela abertura ba formasaun jornalista sira husi município, posto, ba radio komunidade sira ne’ebé ita hare katak iha formasaun ida ne’e importante teb-tebes atu bele hasai koinesemento jornalista sira nian, liliu jornalista sira ne’ebé mak iha radio komunidade atu nune’e sira bele iha koinesimento ne’ebé mak diak hodi transmite informasaun ida nebe los, no informasaun ida ne’ebé mak klaru, no legal,atu nune’e ita nia konsumidores sira, komunidade bele konsumi informasaun sira  tuir saida mak akontese iha suku,posto no mós bele to iha nivel aldeia sira. Husu ba partisipante sira ne’ebé mak partisipa iha formasaun ba loron tomak ida ne’e bele aprende ho didiak, atu nune’e imi fila ba iha komunidade nia le’et, imi bele sai jornalista ida ne’ebé profisional, iha kapasidade para bele hatun informasaun sira ne’e. Tamba ne’e mak ha’u hanoin katak  ho formasaun ida ne’e, imi sei bele aprende buat lubuk ida por ke imi mak agora no imi mk futuro, atu nune ita nia sosiedade sira no ita nia komunidade sira bele fiar no bele hare katak fontes  ida ne’ebé mak informasaun ne’ebé los mak jornalista no radio sira ne’ebé iha legalidade.  Atu bele kombate mós hoax sira ne’ebé mak ita hare katak dalaruma iha media social sira ne’e ema hatun hoax hotu, hau hanoin katak imi sei uza ida ne’e ho diak,tamba ohin loron ita moris iha era ida ne’ebé mak dijital hakarak ka lakoi ita sei lori ita nia an ba tama iha neba.Importante mak ho koinesimento ne’ebé mak iha, bele uja buat sira ne’ebé media dijital ho diak no los ba ita nia komunidade sira.”Reforsa chefe suku Maubisse villa Wilson Nivio Maria Pereira Mendonca

Enkuantu iha observasaun jornalista Rakom Maubisse Mauloko,informasaun ne’e partisipa husi, Prezidente Assolsiasaun Radio Komunidade Timor Leste Prezado Ximenes, Parte Sekoms Sisto da Costa, Chefe suku Maubisse villa Wilson Nivio Maria Pereira Mendonca, radio komunidade sira iha rai klaran hanesan Maubisse,Turiskai,Same,Ainaro no Suai.  

Jornalista: Juvito Maria Nunes

Edittor : Joaquim Coutinho