Rakom Maubisse, 18/10/2024, Vice Primeiro Ministro Mariano Asanami Sabino, promote ba Autoridade sira katak, iha futuru sei harii tan uma lisan balu iha sitiu turistíku Rabilau Maubisse.

Vice Primeiro Ministro Mariano Asanami Sabino husu ba komunidade sira iha Suku Maubessi Vila atu kuidadu fatin sitiu  turistiku Rabilau Maubessi

“Ba futuru ha’u hanoin komu ida iha ne’e maka tenki senti nain  ba fatin ida ne’e, komunidade iha ne’e tenki organiza para fatin ne’e kuidadu, ba oin ita iha planu karik ita halo tan uma balu, maibé ninia tradisaun mambae nian, uma lisan hanesan ne’e maka tenki barak, ne’e hanesan uma lulik ona, maibe iha seluk ne’ebé mós tenki kondisaun hanesan, hodi nune’e para aban bairua turista sira bele mai, e ita nia nain Feto mós iha ne’e, fatin ne’e kapas, furak tamba beiala sira, maromak halo fatuk sira ne’ebé kapas, fatin ne’e turismu ekologis no turismu Relijioju. Nu’udar Primeiro Ministro interino ha’u sei relata ba ministro Turizmu para atu tau matan nafatin ba fatin ne’e, e fó apoiu ba lia nain sira, karik ita kria tan uma balu iha ne’e liu liu komunidade Maubisse ne’ebé durante ne’e tau matan ba iha ne’e sira maka tenki organiza”.Hatete Vice Primeiro Ministro Mariano Asanami Sabino

Vice Primeiro Ministro Mariano Asanami hatutan tan katak;

“Ita luta ne’e ba kultura no identidade tamba ne’e maka ita nia luta laos deit bandeira, laos deit nasaun ketak ida, maibé atu restaura ita nia kultura, lisan, tradisaun, igreja katolika mós parte ona husi ita nia identidade. Apresia tebes ba ita nia aman sira ne’e maka sei moris, no forca sei bele tutan fila fali hanorin oinsá mak hamulak, oinsá maka koalia ba bei oan sira, tamba ita la luta de’it ba liberdade, demokrasia, justice, moris diak, maibé luta mós ba ita nia identidade, kultura”.

Hanesan jestor ba Turismu Rabilau Maubisse Jestor Joaquin Sousa coutinho, senti Orgulho tamba formasaun ne’ebé mak hatoo husi vice Primeiro Ministro konaba, iha futuru atu apoiu tan, konstrui uma lisan ne’ebé maka sei estabelese iha Rabilau;

“Hanesan jestor ba iha turismu Rabilau Maubisse senti orgulhu ho formasaun ne’ebé maka hatoo husi sua selensia vice Primeiro Ministro konaba, iha futuru atu apoiu tan, konstrui uma lisan ne’ebé maka sei estabelese iha Rabilau, tamba ne’e hanesan jestor hamutuk ho komunidade, autoridade lokal iha ne’e lia nain sira, hein promesa ne’ebé maka hatoo husi sua selensia, hein katak ba oin governo liu husi ministerio turizmu ho MCI sei bele apoiu hodi hadia di’ak liu tan fatin Turismu Rabilau”.

Joaquin Fundamenta “Tuir kultura tradisaun rai laran nian iha Maubisse kuandu ita hala’o serimonia kiik ka boot, tantu mutin ka metan tenki liu husi lok bua ho malus e kuandu atu fila mós sei simu bua ho malus sinal katak ne’e simu fali matak malirin atu nune’e fila husi fatin ne’e ba sira nia hela fatin karik labele hetan akontesimentu ruma ou dezastre ruma hodi nune’e sir abele halao sira niaknaar iha sira nia moris lor-loron, sira nia suku, postu no mós iha nasaun RDTL”.Manifesta Jestor Joaquin Sousa coutinho.

Komunidade Maubisse Antonio Martins de Araújo mós hatete nia senti kontenti tamba tamba bele halao festival iha Rabilau, no nia hatete benefisiu ne’ebé diak husi festival ne’e maka;

“Ami povu Maubisse senti kontenti tamba bele loke Festival ida iha Rabilau, senti kontenti tamba ida-idak lori nia produtu, hanesan ami nian konaba kultura, halo uma oan ne’e fó benefisiu diak mai ami para ami mós senti dehan rezultadu ne’eb´mak diak. Produtu sira ne’ebé ema fan iha ne’e mesak diak, tamba orijen iha ita nia rai, laos husi fali rai liur mak mai, ha’u orgulhu tebes, tamba ida ne’e ha’u hakarak festival ne’e lao nafatin labele lakon, tamba ida ne’e benefisiu diak ba povu Timor no ba povu kiik sira, selae buat ne’e iha capital de’it iha area rural sira laiha liu”.Antonio Martins de Araújo.aldeia Lekitei.

Jornalista: Luciana Reis da Cruz

Editror     : Joaquim Coutinho