Racom Maubisse 24/09/2024, Ukun rasik-an to’o ona iha 25 anos, maibe komunidade aldeia Blehetu Suco Mulo, seidauk Senti ukun rasik-an lolos, tambaTo’o Agora Komunidade Seidauk Asesu Ba Estrada, Be Mos Ho Eletricidade, inklui edukasaun no saude.

Ba Radio Komunidade Maubisse Mauloko, Julio da Conceição Aktual Presidente Konselho Veteranus Municipiu Ainaro hateten katak;

“Ukun-an durante tinan 25 ona, lori haksolok ba ema balun deit no fatin balun senti ona dezenvolvimentum, maibe fatin balun hanesan aldeia Blehetu inklui aldeia rural balun sei nafatin iha difikuldades no problema hanesan la asesu ba linha eletricidade, Estrada, be mos no saude. Signifika katak komunidade barak mak to’o ohin loron seidauk bele senti ukun an, tamba sei enfrenta hela situasaun difisil sira nune’e susar ba sira atu halo serbisu ba sira nia hela fatin hodi dezemvolve komunidade sira nia moris”. Hateten Loro Messak.

Relasiona Ho Situasaun Difisil Ne’ebe komunidade aldeia Blehetu hasoru Loro Messak ne’ebe hanesan Jerasaun foun husi uma Lisan Lokbessi ne’e, promete sei husu ajuda ba governu hodi bele rejolve problema ne’ebe komunidade hasoru hanesan be mos, eletrisidade, saude no edukasaun iha future. Makse situasaun iha terrenu oin seluk no  komunidade sira ne’ebe hela iha fatin ne’e susar tebes atu asesu ba eletricidade, be mos, saude no edukasaun, maibe komunidade la lakon esperansa no  iha vontade makas atu bele kontinua moris nudar agricultura no seluk tan hodi sustenta sira nia moris no haruka oan sir aba eskola.

Tamba ne’e husu ba governu, liu liu ba ministerium relevante atu bele taumatan ba komunidade iha aldeia Bleehetu Suco Mulo, Posto Administrativo Hatobuilico Municipiu Ainaro.

Ekipa Kobertura : Racom Maubisse