Racom Maubisse-2024, Relasiona ho Vijita kortejia Vice Primeiro Ministro Eng. Mariano Assanami Sabinu iha Hospital Referral Maubisse hodi hare besik liu tan kondisaun jeral HRMBS Maubisse Relasiona ho atendimentu pessoal saude sira ba paciente, aimoruk no mos ekipamentus sira, aumesmu tempu halao mos enkontru ho Director Hospital Referral Maubisse no funsionariu sira inklui mediku sira, durante oras ida ho balun. Iha sesaun pergunta, Mediku Jeral Evaristu Boavida do Rego hato’o preokupasaun ba Vice Primeiro Ministro Mariano Assanami Sabino, konaba pasiente sira ne’ebe moras mai iha Hospital Referral Maubisse tenke haruka hotu ba dili, tanba iha Hospital Referral Maubisse laiha rekursus humanus hanesan kardialojista, medesina espesialista interna, laiha emerzentista no neolosisita.

Perante enkontru ho Vice Primeiro Ministro Mariano Assanami Sabino iha Salao Enkontru Hospital Referral Maubisse,Evaristu Boavida do Rego hanesan mediku jeral hateten katak;

“Agora daudaun ha’u halao hela servisu iha Hospital Referral Maubisse hanesan kualidade kontrolu liu-liu ba porlema saude interno jeral, maibe iha Hospital Referral maubisse rona porlema barak kona ba atendimentu sira, liu-liu iha Hospital Nasional Guido Valadares, sai kolapsu nomos porlema iha Municipiu 13, tamba pasiente sira tenki haruka hotu ba hospital nasional  Guido Valadares, ho problema sira nee hotu ligadu ho rekursus humanus, menus aimoruk no troka ema latuir dalan no konhecimentu ikus hamosu konfuzaun, tamba ne’e mak 25 anus ona mos ita hasoru nafatin porlema ida ne’e, pasiente nafatin ita haruka ba liur , Pasiente nafatin kolapsu iha HNGV, tanba deit ita nia rekursu ladun suficiente, menus aimoruk, ita sei depende ba brigada Kuba, brigada Cina no buat seluk tan, to’o banhira los mak atu rejolve problema sira ne’e, tamba to’o agora ami Maubisse deit dala ruma ami nia pasiente ba hotu Dili, tanba ami laiha kardialojista, laiha medesina espesialista ba medesina interna, laiha emerzentista no laiha neolisita”. Hateten mediku Jeral Evaristo.

 Mediku Jeral Evaristo Boavida Hatutan liu tan katak;

“Ami mos konsiente hela katak ami tenki halo servisu ida tan mak atensaun sekundaria maibe ida nee sai bareira ida ba ami, oportunidade sira nebe mak loke, ministerio halo esforsu duni kapasita ita nia ema maibe lato nafatin, rekursus sira konsentra hotu iha ministerio saude, defisil tebes ba hospital refelais sira, ba maluk sira nebe estuda iha rai liur mai konsentra hotu iha dili atu ba referais lakohi, tamba ne’e mak Hospital sira sai kolapsu ba porlema ki’ik sira hanesan, tamba ne’e husu ba governu liu liu ministerium saude atu hare assuntu sira ne’e ho seriu nune’e paciente sira labele sai vitima” Hakotu mediku Jeral Hospital Referral Maubisse Evaristu Boavida.

Hatan ba preokupasaun ne’ebe hato’o husi mediku jeral Evaristo Boavida,  nian ne’e, Vice Primeiro Ministro Mariano Assanami Sabino hateten katak, vijita ida ne’e laos official maibe tamba ohin enkontru iha Administrasaun Posto maubisse konaba preprasaun Festival Kultural rabilau, nune’e husu mos apoiu husi parte saude hodi apoiu mos iha festival kultural Rabilau ne’ebe sei akontese iha fulan Outubro nia laran, no konaba preokupasaun sira ohin hato’o ha’u sei mai tan no mai bebebik hodi hare no sei lori preokupasaun sira ne’e hato’o ba Ministrasa saude nomos hato’o iha Konselho Ministro, nune’e bele hare konaba preokupasaun sira ne’ebe mak ohin hatoto’o.

Antes sorumutuk refere termina, Director Hospital Referral maubisse Virgilio Mendonça lori Estrutura Hospital Referral Maubisse Hato’o agradecimentu ba Vice Primeiro Ministro Mariano Assanami Sabono tamba bele vijita ona Hospital Referral Maubisse, hodi hare besik liu tan servisu no atendimentu pessoal saude sira nian ba pasiente nomos husu atu Vice Primeiro Ministro bele hato’o hela preokupasaun sira hanesan mensiona ba Governu sentral liu husi Ministrasa Saude, nune’e bele hetan solusaun iha tempu oin mai. * Remata*

Ekipa Kobertura : Racom Maubisse