Racom Maubisse-2024, Vice Primeiro Ministro Mariano Assanami Sabino ho komitiva, Vijita Hospital Referral Maubisse, ho objektivu hodi hare besik liu tan servisu pessoal saude sira nomos hare baimoruk no rekursus humanus iha Hospital Referral Maubisse, aliened ne’e mos Halao Enkontru Ho Dirijente No Funsionariu Hospital Referral Maubisse Hodi Koalia Konaba Difikuldades Ne’ebe Hospital Referral Maubisse Hasoru.
Iha surumutuk ne’ebe Vice Primeiro Ministrio Assunto Social EngMariano Assanami Sabino, halao ho Dirijente no funsionario Hospital Referral maubisse koalia konaba difikuldades ne’ebe hospital referral Maubisse hasoru hanesan Rekursus humanus, Medikamentu, no koalia mos konaba preparasaun ba Festival Kultural Rabilau ne’ebe sei akontese iha dia 15-19 de Outubro 2024.
Depois de halao sorumutuk ho Director Hospital Referral Maubisse ho Fungsionariu sira, biban hanesan halao mos surumutuk ho Administrador Posto Maubisse no Lideransa komunitariu sira hodi koalia konaba preparsaun ba Festival Kultural Rabilau, iha intervensaun Administrador Posto maubisse Joaquim Salsinha Soares hateten katak;
“ Relasiona ho festival Kultural iha Rabilau Maubisse, ba oras ne’e dadaun governu fo kontratu ba emprezariu nasional Fortuna ESTAR mak responsabiliza ba hadia Estrada tam aba sitiu turistiku Rabilau, nune’e bele realiza festival iha rabilau, maibe atu dehan mos iha ne’e katak, perante festival iha rabilua, ami maubisse lakohi sai penontong iha festival rasik, sebele fo mos biban mai ami hodi hola parte direta, tamba ne’e mak ohin ita hamutuk iha ne’e hodi koalia kona festival ne’eve sei realiza iha rabilau tamba festiva ida ne’e inicia husi Presidente da Republica”
Hatan ba preokupasaun Aadministrador Posto Admi nistrativo de Maubisse nian ne’ebe haktuir katak Maubisse oan sira labele sai penontong ba festival kultural Rabilau, maka Vice PM Mariano Assanami Sabino hateten katak;
“ ita sei hare konaba ba preokupasaun hirak ne’e hotu hodi involve lideransa komunitariu no komunidade sira iha Festival kultural ne’e, tamba ne’e maki ta halo ona enkontru iha municipiu no ohin mai halo tan enkontru iha posto Maubisse hodi kolia konaba fatin no preprasaun sira, inklui involvimentu autoridade local, no komunidade sira iha Maubisse nian”.
Vice Primeiro Ministro Assunto Social e mos hanesan Presidente Komisaun Organizadora ba Festival Kultural Rabilau ne’e haktuir liu tan katak;
“Objetivo husi festival ne’e mak atu halo promosaun turismu nasional promosaun idetidade kultural ba ita nia konvidadus sira, Presidenti da Republica mos sei konvida embaixador sira ne’ebe mak rezidensia iha Timor Leste ho maluk balu ne’ebe mak sei mai husi australia, no husi mos rai seluk nebe ita nia Presidente da República mak sei konvida.
Perante enkontru iha Salao Posto Administratiov de maubisse Participa maksimu husi chefe do suco nain sia, chefe aldeia balun, no fungsionariu posto administrative maubisse, director hospital referral maubisse, no ekipa husi presidensia da republika, secretario estado arte no kultura nomos komitiva husi Vice Primeiro Ministro Assunto Social Eng. Mariano Assanami Sabino.* Remata*
Ekipa Kobertura Racom maubisse
