Racom Maubisse-2024, Programa Nasionla Dezemvolvimentu Suco ou PNDS Kontinua Hadia Estrada Rural Sira Iha Posto Administrativu Maubisse Municipiu Ainaro, hodi facilita komunidade sira lori sira nia produtu local asesu ba merkadu nomos facilita estudante sir abele asesu ba edukasaun, saude no mos asesu ba seitor sira seluk.

Ba Radio Komunidade maubisse mauloko, trabalhador Luis Pereira Husi Aldeia Curema Suku Haraiquik  Husi Postu Maubisse hateten katak;

“Kona ba estrada ne’e nahe pasadeira iha  200 metrus saluran 100 metrus tembok penahan iha 15 metrus konaba brojon 16 metrus, hanesan komunidade nomos hanesan trabalhador iha aldeia kurema ami senti kontente uitoan deit tamba estadu apoiu ona Estrada mai maibe seidauk naton tamba foin hadia uitoan deit, tamba ne’e ami seidauk bele kontenti, katak foin mak hadia uitoan husi Estrada boot hatobuilico nian tamba mai aldeia kourema suco horaquic mas 200 metrus deit, ami nia hakarak ne’e governu liu husi programa PNDS hadia ba to’o iha Suco Maubisse villa nian ma kami bele kontente. Tamba ne’e ami husu ba governu atu bele kontinua apoiu hadia Estrada nune’e bele facilita ami asesu ba merkadu hodi fan ami nia produ local nomos bele facilita ami nia oan sira asesu ba escolar no inan isin rua sira, ida ne’e ma kami nia hakarak”.

Total populasaun iha aldeia kourema Suco Horaquic Maubisse hamtuk 300 ital no chefe da familia 117 ital. Total orsamentu PNDS nian iha tinan 2023-2024 ne’ebe mak halao dezemvolvimentu iha Aldeia Kourema Suco Horaquic hamutuk 39.000.

Iha fatin Hanesan Agustinho Ximenes haktuir mos katak,

“Konaba dezemvolvimentu hanesan Estrada no uma kbiit laek nian iha aldeia kourema suco horaquic maubisse tuir hau seidauk bele kontente tamba Estrada ne’e hadia uitoan uitoan deit, tuir lolos tenke hadia hotu nune’e bele facilita ami lori produ local ba merkadu ho facil, tamba ami iha produtu local barak hanesan fehuk ropa, repolho, senoura, kotu ho tan produtu local seluk maibe Estrada nia kondisaun mak ladun diak ida seluk konaba uma kbiit laek mos foin mak hadia balun barak mak seidauk”.

Estrada husi kourema horaquic ninia ligasaun husi Suco Maubisse Villa ba aldeia kourema horaquic hodi liga Posto Hatobuilico no Ramelau, tamba vijitante sira wainhira vijita ramelau sempre liu husi dalan aldeia kourema nian. Tamba ne’e mak komunidade sira husu atu governu liu husi programa PNDS atu bele hadia Estrada ne;e hodi nune’e bele facilita mos vijitante sira vijita Ramelau.

Reportajem : Ekipa Radio Komunidade Maubisse mauloko.