Racom Maubisse, 16-07-2024, Ministra Solidariedade Sosial No Inkluzaun oferese aihan nesesidade bazika ba familia kbit laek hamutuk uma kain rua nolu resin rua iha Suku Casa Munisipio Ainaro.

Ba Radio Komunidade Maubisse Mauloko, Ministra Sosiedade Sosial, Veronika Das Dores hateten katak;

“Apoiu sosial ne’ebe governu oferese laos foin halao e halao bebeik maibe apoiu ida ohin ofrece ne’e hanesan apoiu emergensia nune’e familia kbi’it laek sira ne’ebe simu ne’e bele aguenta netik no konsumu ba loron ida rua nian iha familia”. DehanMinistra Sosiedade Sosial, Veronika Das Dores.

Governamente ne’e mos kontinua husu ba autoridade suku atu kontinua nafatin identifika familia kbit laek sira atu nune’e bele hetan ajuda hanesan husi sentru solidariedade munisipio ainaro tempo tuir mai.

Depois de beneficiariu sira simu tiha apoiu nececidade baziku husi Ministra Soliedariedade Social no inkluzaun, ba Radio Komunidade Maubisse Mauloko benefisiario, Fernando Carvalho de Jesus hateten;

“Hanesan beneficiariu hakarak hato’o agradese ba apoiu ne’ebe maka oferese direita husi Ministra Solidariedade Sosial Iha Suku Casa Ainaro”. Haktuir Beneficiariu Fernando Carvalho de Jesus

Nune’e mos benefisiariu Natalino Pereira da Silva Husi Aldeia Leolima Hateten;

“Ho apoiu aihan ne’ebe maka oferese ona husi governu bele hatutan ona moris ba loron ida rua, maibe ami nia rekomendasaun ba governu sebele kontinua tau matan no hadia uma tamba daudaun ne’e ami laiha forsa hodi konstrui uma rasik tamba ho kondisaun fisika”. Rekomenda Natalino Pereira da Silva.

Iha fatin hanesan Chefe Suku Casa Postu Ainaro Vila Longinus de Araujo iha biban ne’e lori komunidade kbi’it laek sira nia naran hato’o agadese ba apoiu ai-han nesesidade bazika ne’ebe oferese ona husi Ministra Solidadridade Sosial ho ekipa ba nia komunidade vulneravel sira;

“Maske ha’u nia komunidade kbi’it laek sira ohin simu ona aihan no nececidade basiku sira maibe ha’u ahnesan lideransa komunitariu husu nafatin apoiu kontinuasaun ba oin, tamba familia sira ne’ebe beneficiariu ba nececidade baziku ne’e kbi’it laek tebebs. No ai-han nesesidade bazika ne’ebe oferese ba familia vulneravel iha suku casa ainaro maka hanesan fos, susu ben, inklui biti”. Hakotu Chefe suco Casa Longinus de Araujo.

Suku casa kompostu husi aldeia lima ho total populasaun rihun ida, atus ida, tolu nulu resin ha’at.

Jornalista            :Natalindo Mendonca

Editor                  : Joaquim Coutinho