Racom Maubisse-2024, Oficialmente Súa Eminencia DOM Virgilio Cardeal do Carmo da Silva SDB Inaugura Salao Sagrado Coração de Jesus Aituto Rina ne’ebe konstrui husi Sarani Estasaun Misionariu Aituto rina ne’ebe hahu husi tinan 2018.

Ba Radio Komunidade Maubisse Mauloko Presidente Komisaun Organizadora Jose Florindo Andrade hateten katak;

“Konstrusaun ida ne’e halao durante tinan ha’at ou tinan lima nia laran hahu husi 20018 mai to ohin loron, e ikus finaliza ho buat nebe diak e tuir forsa sarani sira nian, fo hanoin deit katak, salaun ida ne’e hahu husi sarani sira nia kosar ben, sarani sira mos mak lolo liman hodi halo servisu, ema mai husu, ida ne han miliaun hira ba konstrusaun ida ne’e, tulun oituan husi ita nia Diocese liu husi Sua Eminencia Cardeal, nomos husi parte parte balun mos ajuda ne’e mak ohin loron salaun ida ne hamrik”. Hateten Presidente Komisaun Organizadora Jose Florindo Andrade.

Jose Florondo Haktuir liu tan katak, iniciu konstrui salao ida ne’e tuir lia menon ne’ebe mak toban Dom Alberto Ricado katak;

“Se imi Atu sai paroquia tenki iha salaun, depois ita nia Súa Eminencia uluk sei bispo hela, mai tau fatuk dahuluk, dehan katak salaun ne’e hotu ha’u sei muda imi nia naran, ne’ebe sarani sira hein hela muda oinsa, ida ne’e sarani sira hakarak rona direitamente husi Súa eminencia ba liafuan ida ne’e, sira dehan katak ne’e promesa ida, ne’ebe sarani sira hein hela ne’e.

Tamba ne’e tuir presidente komisaun organizadora ba Inaugurasaun salaun Sagrado Coração de Jesus Aituto Rina ne’e katak total orsamentu ba kontrusaun por volta senquenta e cinco mil ital. Tamba kontribuisaun barak mai husi Sarani sira, nomos kompanhia balun no ajuda orsamentu balun mai husi Arquidiocese de Dili.

Iha Fatin hanesan Tezoreira ba konstrusaun Salão Sagrado Coracao de Jesus Aituto Rina Helena Mendonca iha hato relatoriu hateten katak;

“ Agrade ba Parte hotu nia apoiu ikus bele kontrui Salao ida ne’e no ikus bele hetan bensaun husi Súa Eminencia Dom Virgilio Cardeal do Carmo da Silva SDB, agradece mos ba Sarani hotu nia kontribuisaun hodi bele finalize konstrusaun salaun ida ne, mesmo ita hasoru obstaklu oi-oin, e hakarak relata iha ne’e katak konstrusaun ida ne’e, sarani Estasaun Misionario Aituto Rina hamutuk ho Pároco Maubisse Padre Feliciano B. R. Soares , hahu konstrusaun iha tinan 20018 iha momento ne’eba Súa Eminensia Cardeal mai hahu fatuk ain ba salaun ida ne’e Súa Eminencia hameno hela ba ami no sarani sira, kaer metin hela liafuan ida dehan, kuando ha’u mai tan dala ida ha’u sei muda estasaun ida ne’e nia naran, iha momento ne’eba ami hahu serviso lao, maibe to iha 2019 no 2020, tamba situasaun covid 19, entaun sarani sira labele halo serviso ho diak, tamba ne’e mak foin finaliza iha 2023, no ohin hetan bensaun no hetan inaugurasaun husi Súa Eminencia Dom Virgilio Cardeal do Carmo da Silva SDB, Tamba ne’e iha oportunidade ida ne’e hakarak hato obrigadu no agradece ba Nai Cardeal Bele mai halao ona inaugurasaun ba Salao ida ne’e”. hateten Tezoureia Helena Mendonca.

Husu konaba total orsamentu hira mak gastu ba kontrusaun Salãoi ida ne’e, tuir Tezoureira Helena Mendonça katak;

“Orsamento ne’ebe gasto ba konstrusaun ida ne’e hetan apoiu husi parte oi-oin, e total orsamento 55,409.50.00 (cinquenta e cinco mil quarto sentos nove dolares cinquenta centavos) ba ida ne’e ami agradese ba Súa Eminencia Cardeal ne’ebe mos fo apoiu mai ami hodi halao kontrusaun Salão ida ne’e, ho total orsamentu $ 10.000.00 (dez mil dolares Americano), no husi osan ne ami la simu direita, maibe ami simu material husi amo párco sesante maubisse no material sira ne’e mak hanesan, kalen parafuzo, raihenek, mesin bor, e ami agradese mos ba kompainia Star King bele fo ami osan ho montante $ 1000.00 (mil dolares amerikanu), ami agradese ba maluk chinesa ida iha dili maibe nia lakohi atu temi naran, e ami agradese mos ba administrador sesante posto Ainaro Sr. Nazario fo 50 dolar, agradese ba apoiu husi Canada $ 16.430.00, (dizaseis mil, quarto centos trinta dolares amerikanu, agradese ba maktoban Sr. Julio Meta Mali nia apoiu ho total orsamentu $ 4.500.00 (quarto mil quinentos dolares amerikanu) e oras ne’e dadun nia laiha ona ita nia le’et, agradece ba parte hotu ne’ebe ami la temi naran ida por ida, ba ita boot sira nia tulun ami hato’o agradece wain. Maromak sei rekompensa ita hotu nia kolen iha loron ikus, e Ami kontenti tebes mesmo neneik no kleur, ohin Súa Eminencia Cardeal ho laran Kaman bele hakat-an mai inaugura salão ida ne’e ho kartorio”. Relata Helena Mendonça.

Depois de hato’o tiha diskursu husi Presidente Komisaun organizadora ho Tesoureira iha fatin hanesan, Súa Eminencia Dom Virgilio Cardeal do Carmo da Silva ba Sarani sira iha Estação Misionari Aituto Rina hateten katak;

“Ohin ha’u dehan loron ida furak ekapaz, ita hare maske malirin maibe loron matan tun hamanas ita, ita halibur hamutuk iha fatin ida ne’e, ho finalidade ida deit, ita hotu hamutuk fo obrigado ba Maromak ba buat diak ne’ebe ita simu iha ita nia moris, ita ida-idak husi dader to kalan ita simu buat barak, husi domingo ba to fali sábado ita simu buat barak, husi Janeiro ba to iha Dezembro, buat oi-oin ne’ebe Maromak fo ba ita, maibe dala barak ita simu, ita husu, maibe dala barak ita haluha atu fo obrigado, hanesan labarik sira dala barak husu ama quarter, apa quarter, dader ba eskola, ama apa fo nafatin quarter ba sira, maibe sira lahatene quarter ne’e ama apa sira ba foti husi ne’ebe, tenki ba servisu, buka meus halo tun halo sae mak foin hetan quarter ne’e atu dader-dader fo nafatin ba oan sira, maibe hanesan oan, ita husu hela deit maibe, ita nunka fo obrigado ba ita nia inan aman sira, entaun ohin loron ida furak loron ida graça ninian, grasa ida ne’e hatudu kedas iha loron Domingo, hanesan ita rona iha introdusaun ba missa katak, ohin ita tama ba iha desimu quinto domingo tempo ordenario, ohin mos iha foin sae mais de 200 ital simu sakramento crisma, ita fo bensa ba ita nia salaun, entaun momento ne’e ita dehan momento grasa ninian, momento grasa ida ne’e sai momento ida ne’ebe bele halibur ita hotu, ita hotu lolos ne dala barak iha servisu ruma atu halo maibe ita husik, iha loron hira ne’e ita prepara halo loron ida ne sai loron domin, loron ida ksolok ninian, loron ida kominaun, unidade sarani Aituto Rina ninian, entaun ida ne’e mak ita senti iha loron ida ne’e, ksolok tamba loron ida Maromak nian, tamba Maromak nia loron ne’e konvida ita hotu atu rona, ne’e duni ohin ita iha quinta Domingo. Orasaun ne’ebe Ohin loke ne’e dehan hanesan ne’e, “Maromak Ami Na’i, ita hatudu lia los ba ema, laos ba ema lao sala dalan, atu sira bele hatene dalan diak, tulun ema sarani hakribi dalan at, Maromak hatudu lia los ba ema lao sala dalan, e ita nudar sarani dala barak mos ita lao sala dalan, nudar Maromak nian oan, dala ruma mos ita lao sala dalan, entaun iha Domingo Maromak konvida ita atu rona nia Lia-Fuan, Nia Lia-Fuan ida ita rona ne’e konvida ita atu lao tuir, dalan ida ne’e, entaun ita boot sira dehan dalan ida ne’e atu ba los ne’ebe, entaun Maromak Nia Liafuan ne’e orienta itahotu, tamba ita hotu mai husi Maromak atu fila fali ba Maromak, iha rolon sinzas ninian quando amo lulik tau ahu-kdesan iha ita nia rentos ne’e dehan hanusa?, o mai husi rai sei fila fali ba rai, ou balu dehan, o mai husi Maromak sei fila fali ba Maromak, ita hotu mai husi Maromak ita hotu Maromak halo ita tuir ilas Maromak Nian, ita hotu ne’e Ilas Maromak nian, maibe balu Maromak kria mai ne’e metan liu tiha, balun mai mutin liu tiha, balun inus meik oituan, balun inus ita hare belar tia, maibe forma oi-oin ita hotu ne’e lori saida?, ita hotu lori ilas Maromak Nian, tamba ne’e mak Santo Agustinho dehan hanesan ne’e, wainhira ita moris Maromak la presiza ita, ita moris mai mak ita foin koinese, oh ida ne’e mak ha’u nia apa, ida ne’e mak hau nia ama, hau nia avo mak ne’e, ha’u nia rai mak ne’e, entaun atu moris Maromak la presiza ita, maibe atu salva ita Maromak presiza, ne’e duni wainhira Maromak halo ita la presiza ita, maibe atu salva ita Nia presiza ita, tamba ne’e ita hotu iha dalan ne’ebe ita lao hela, tamaba ne’e ba ita la dehan ita mai husi Maromak ita mos tenki nafatin rona Maromak nia Lia-Fuan atu orienta ita, tamba ne’e dala barak ita lao sala, ne’e mak evangelho dehan, “Hatudu lia los ba ema atu ema lao sala dalan sira hetan dalan diak”. Haktuir Dom Virgilio iha nia Homilia.

Dom Virgilio haklaken liu tan katak;

“Leitura sira nia mensagem ida deit ba ita maka, Maromak konvida ita hotu atu fila fali, fila fali mai, fila fali ba se, fila fali ba Maromak, dala barak ita lao kleuk, dala barak ita lao dok, entaun Maromak dehan fila fali mai Ha’u, katak fila fali ba Maromak, ita ida-idak iha ita nia moris nudar sarani dala barak ita lao dok, iha Santo ida naran São Pedro, nia dehan hanesan ne’e, se imi hakarak atu hetan ksolok saida mak ita tenki halo?, se imi hakarak hetan ksolok iha imi nia moris  primeiru buka atu lao  dalan ne’ebe loos”. Hakotu Dom Virgilio.

Participa iha Inaugurasaun Salão Sagrado Coração de Jesus Aituto Rina, Amu lulik sira husi orden kanosiano, Autoridade Local Posto Hatobuilico, siguransa civil ho militar, lideransa komunitariu lia nain no sarani sira ne’ebe pretense ba Estasaun Misionariu Aituto Rina.

Jornalista : Juvito Mendonca

Editor   : Joaquim Coutinho