Racom Maubisse-2024, Presidente da Republica kompromete ona atu realiza Festival iha Rabilau Maubisse tinan ida ne’e.
Relasiona ho Festival Kultural Iha Rabilau Maubisse ne’ebe planeia husi Presidente da Republica, ba Radio Komunidade Maubisse Mauloko, Engeneiro Jaquelino Fernandes Xavier, husi Kompanha Fortuna Estar ba Radio Komunidade Maubisse Mauloko;
“Objektivu husi hadia Estrada ida ne hanesan projeitu emergensia, tamba fulan setembro atu halao festival kultural iha fatin rabilau, entaun president da republica hatun despacho mai Kompanhia Fortuna Estar LDA hodi hadia dalan husi Lequitei Mai fatin turismu Rabilau maibe iha nee ami sei fokus liu ba kilo 1 liu metro 200, ho durasaun durasaun fulan 3 deit, hahu iha fulan Maio to’o fulan Agusto 2024”.
Tekniku husi Komapnhia Nasional Fortuna Estar ne’e relata liu tan katak sei precisa trabalhador barak hodi bele halais servisu iha fatin turismu Rabilau;
“Ami sei presiza trabalhador barak bele to’o 100 pessoas hodi aselera lalais rehabilitasaun Estrada, nune’e iha data ne’ebe mensiona bele entrega, maske ami esforsuan makas maibe obstakulu mak hanesan fatuk barak no fatuk mesak boot deit, klima, udan, abu-abu, entaun difikulta ami atu bele servisu ho maksimu”.
Husu konaba oinsa kooperasaun komunidade autoridade local ho kompanhia relasiona ho servisu hadia Estrada husi Lequitei mai fatin turismu Rabilau:
“Autoridade ho Komunidade sira iha area lequite, kanurema ho rimori ko’opera ho kompanhia diak diak tebes, oinsa mak bele haluan dalan ou Estrada fatin turismu rabilau diak no lalais”.
Iha Fatin hanesan Chefe Aldeia Rimori, Miguel da Costa Viegas ba Radio Komunidade Maubisse mauloko, haktuir katak nia kontente tebes ho programa Festival iha Rabilau nomos rehabilitasaun ba Estrada Husi Lequitei ba to’o iha fatin turismu Rabilau Maubisse;
“Hau kontenti tebes tamba prezidenti nia programa konaba Festival Kultural bele realiza iha fatin turismu Rabilau no komunidade sira kontenti tebes tamba prezidenti hodi buat boot nee mai iha ami nia aldeia, suku no postu Maubisse, tamba ne’e nudar autoridade nafatin kopera ho komunidade sira hotu no mos aldeia vizinho sira hodi apoiu no kolabora no mos buat nebe prezidenti promete ona iha fatin ida nee realiza duni iha fatin Rabilau”.
Komunidade iha areadores Rabilau Maubisse kontenti tebes tamba Festival nkultural ne’ebe planeia husi Presidente da Republic abele realiza iha Rabilau Maubisse
Iha Fatin hanesan Projek Manajer Cavin Lay Husi Kompanhia Fortuna Estar haktuir mos katak;
“Servisu obra ida nee husi Kompania Fortuna Estar LDA, ami nia objetivo mak atu hadia Estrada tamba mai Rabilau diak liu tan, hodi asesu ba festival iha setembru fulan oin mai, no projeitu ida ne;e sei konklui antes festival Rabilau akontese, tamba obra ne’e fo ho tempu badak ida nee mak ami hakas-an tebes iha terenu molok fulan setembro ami bele halo hotu ona”.
Obra refere indika direta mente husi Presidente da Republica ho Ministeriu Obras Public
“Ami nia obra nee mai husi Prezidenti da republika tun obras publika mak depois fo fiar mai kompanha hodi mai halao rehabilitasaun ba Estrada ligasaun husi Lequite mai fatin turismu Rabilau Maubisse, konaba orsamentu hau rasik lahatene ne entre director kompanha ho governu, Estrada ne’ebe agora ami halo dadaun hamutuk kilo 6, maibe ami focus uluk mak kilo 1 ho metro 200. Estrada ne’e laos ba deit festival maibe ba oin sei utilija husi komunidade sira hotu hodi facilita produtu local ba merkadu”.
Husu konaba total orsamentu hira mak gastu ba projeitu rehabilitasaun Estrada ba fatin turismu Rabilau, project manajer kompanhia Fortuna Estar ne’e la fo komentariu.
Jornalista : Juvito Maria Nunes
Editor : Joaquim Coutinho
