Maubisse (31/12/2023) “Aman Inan sira se imi maka husKi imi nia oan tolok hodi imi rona hela deit imi mós imi nia fuan maten. Imi nia responsabilidade imi nia moe laiha Inan balun mai dehan Amu labarik ne’e ibun sa ibun hau dehan nusa e amu labarik ne’e tolok sa tolok, hau dehan hanesan ne’e mós o gava ne’e. O gava ninia Komprementador ema, ninia oin hamnasa ba ema, nia kolia diak ne’e Inan diak. Maibe gava fali oan tolok ten ne’e”. Hateten Amu Pároco Maubisse liu husi nia Homilia iha Selebrasaun Missa Sagrada Familia Domingu ne’e iha Igreja Maubisse 31/12/2023.

Tamba ne’e oan sira presija fo hondra ba Inan ho Aman sira, ho nia siknifikadu maka rekoiñese sira hanesan Prezensa Nai Maromak nian, tamba ne’e presija rona no obdese ba sira atu labele lakon futuru. Dehan Bibi Atan ba Sarani Paroquia Maubisse.

“Oan sira fó honra ba Aman Inan sira, laos o ba tuir Treinu iha fatin sira ne’e o fila mai o nia Aman la diak seluk maka diak, o nia Inan ida ne’ebé ran fakar ba o ne’e la diak ema seluk maka diak, o nia Maun Alin ida imi nain rua hussar talin ida o dehan la diak, tamba ne’e maske Bapa ho Mama buat barak bele laiha ba mais hatene moris hamutuk ne’e onsa no moris hamutuk ne’e iha ne’ebé. Tamba ne’e iha Segunda Leitura São Paulo Konvida ita ida-idak, konvida ema hotu ne’ebé fiar atu kultiva didiak Vertudi haraik-an, pasensia, rona malu, no komprende malu. Tersiru iha Evanjeliu ne’ebé ita rona Sagrada Familia hatudu hela ezemplu bót ida mai ita katak, lori oan sira ba buka Maromak atu núne’e sira nia moris ida hahú agora ba oin ne’e iha Nai Maromak Nia orientasaun. Familia lori oan ba Nai Maromak katak, familia ne’e nia vida ne’e dependente ba iha Nai Maromak Nia organizasaun da vida.” Remata.

Entertantu Selebrasaun Missa Sagrada Familia Domengu ne’e iha Paroquia Imaculado Coração de Maria Maubisse (PICOMA) lao ho diak tó remata tamba hetan seguransa másimu husi Mebrus PNTL Esquadra Maubisse no Seguransa PICOMA.

Jornalista Moises