Racom Maubisse (27/12/2023) Selebrasaun Loron Existensia Hospital Referal Maubisse Ba Dala 16 Liu Husi Missa Agradesementu Ne’ebé Presidi Husi Amu Pároco Maubisse

Liu husi Homelia Amu Pároco Paroquia Imaculado Coraçao de Maria Maubisse (PICOMA Sigla Portugés) Padre João Soares Kongratula Servisu Pesoal Saúde ne’ebé Haknár-an iha Hospital Referal Maubisse hodi fó atendementu ba Pasiente sira.

“Liga ba servisu bót Doutores sira nian dala barak hau mai Hospital vizita ba fatin sira ne’e hare Doutores no Infermeiru sira nia servisu ne’e iha hau nia laran hateten katak Maromak ne’e kala hatene hili duni ema. Tamba ne’e maka ema sempre dehan esperensia Mestre da Vida hodi hateke fila fali ba ita nia esprensia sira hanesan Ukun Nain, Nia Lulik, Madre, Autoridade servisu Saúde sira ita nia atendementu durante tinan hira nia laran ne’e ita atende ho fuan ida ne’ebé, ita atende ho matan ida oinsa, ita atende ho ita nia atetudi ida ne’ebé. Atu dehan katak servisu Saúde laos servisu ida ne’ebé fasil, katak sira fó liu importansia ba ema seluk atu diak  ida ne’e maka Jesus halo Nia fó Ninia Vida ba simu terus, maibe importante katak ita ho ita labele hatun malu, naran katak, ita bele diak malu ida ne’e maka hau hanoin Doutór sira halo no Infermeiru Infermeira sira halo ne’e esperensia ida ne’ebé diak”. Hateten Padre João Soares 27/12/2023.

Nafatin liu husi Homelia Nai Lulik ne’e kuntinua hatutan, ho selebrasaun loron Natál nian ne’ebé foin dadaun, ita selebra Kosok-Oan Nai Jesus Kristu Nia Mmoris. Maibe husi Pesoal Saúde sira nia Liman mós Kosok-Oan barak Maka moris.

“Ita selebbra Natál selebra Kosok-Oan ne’ebé moris mai,  husi imi nia liman mós Kosok-Oan barak moris iha imi nia liman mós, Jesus barak moris iha imi nia liman. Bibi luhan ne’ebé foer imi tama duni liu-liu Parteira sira tama duni iha bibi luhan ida foer ne’e hamos ho imi nia liman rasik, ho imi nia hanoin, imi nia matan rasik ikus mai Kosok-Oan barak bele moris sira bele goja sira nia vida. Ita dala ruma Doutóres Infermeiru Infermeira sira senti kolen halai lalais buka Jesus dala ruma hanesan ema pasensia bele menus itoan. Tamba ne’e tenki buka fila fali katak moras ida iha hau nia oin ne’e reprejenta se, sira ne’e Jesus real imi hatene Jesus real hirak ne’e maka lor-loron imi halo iha imi nia servisu sira. Tamba ne’e halai lalais buka Jesus atu hkalean liu tan imi nia fiar. Ita reja husu São João Apostlu Evanjelista  atu tulun Doutóres hirak ne’ebé toma responsabilidade direita ka indereita ba iha Hospital ida ne’e bele serbi ho diak atu Jesus Kuntinua hamahan imi nia servisu, Jesus ida ne’ebé núdar Doutór bót sei kuntinua lori ita bót sira hot-hotu iha imi nia servisu lor-loron nian tamba servisu hirak ne’e serbi Jesus ne’ebé realmente lor-loron hasoru malu ho ita bót sira”. Homilia Padre João iha Missa agradesmentu Existensia Hospital Referal Maubisse ba dala 16.

Hafoin de Missa Administrador Postu Administrativu Maubisse Claudino Mendonça ne’ebé partisipa mos iha Seremonia Agradesementu ida ne’e iha Resintu Hosital Referal Maubisse, haktuir mós História Existensia Hospital Referal iha Tinan 16 ba kotuk.

“Orgullo bót ba ita hotu lolos ne’e hospital ida ne’e nia fatin maka iha Munisípiu Ainaro. Tamba problem lubuk ida kona-ba Rai  ne’e maka muda maia iha Postu Administrativu Maubisse. Fatin ida ne’e iha tempu Posrtugés Kompañia ba Militár, sira nia Asrama maka iha ne’e. Iha Fali tempu Indonesia Eskola SD mós iha ne’e ho tan Eskola Pertanian SPP”. Haktuir Administrador Postu Maubisse.

Núne’e mós Autoridade Másimu Postu Administrativu Maubisse ne’e husu ba Pesoal Saúde no Funsionariu sira ne’ebé maka haknár-an iha Hospital Referal Maubisse atu servisu ho Responsabilidade hodi fó atendementu diak liu tan ba Komunidade espesialmente Postu Administrativu Maubisse Munisípiu Ainaro.

“Ne’e duni ba Doutóra, Doutóres, Infermeru, Infermeira, Parteiras, ho Kliner, no Seguransa sira katak ida ne’e maka fatin ba ita nia knár hodi fó atendementu ba ita nia ema sira ne’ebé mai husi Munisípiu Aileu, Manufahi, no Munisípiu Ainaro rasik. Ne’ebé ita hotu hanesan serbidór Estadu serbidór Povu halao ita nia knár ho responsabilidade hodi fó atendementu diak ba ita nia ema sira. Hanesan Bahasa Indonesia nian karik dehan núne’e Pasien Sira Presija Sentuhan Tangan-Tangan Halus husi ita bót sira ho ida ne’e maka sira senti kontenti ho ita bót sira no bele minimiza moras ne’ebé sira senti, se ita nia atedementu maka ho oin buis ne’e bele aumenta tan sira nia moras”. Husu Administrador Postu Maubisse Claudino Mendonça.

Fatin hanesan Direktora Exekutiva Hospital Referal Maubisse Gabriela da Conceição Magno Pereira hateten;

“Agradese ba Nai Maromak Nia Laran Luak ita bele halibur hamutuk hodi selebra Aniversariu Hospital Referal Maubisse ba dala 16 (Sanolu Resin Nen). Ita hakarak fó agradese ba Nai Maromak tamba buat barak maka ita halo durante tinan 16 ne’e. Maske hasoru dezafius oi-oin balun ita bele resolve ona no balun seidauk iha solusaun. Tamba ne’e presija nafatin ita hotu nia hamutuk fó liman ba malu hodi lao nafatin ba oin tuir ita nia Misaun maka fó atendementu ne’eb’e ho Kualidade ba Populasaun sira, núne’e mós halo formasaun kuntinua ba Estáf sira iha kontekstu servisu ne’ebé efisiensia no efikásia”. Tenik Diretora Exekutiva Hospital Referal Maubisse.

Tamba ne’e maske ho dezafius oi-oin maibe hanaesan Timor-Oan nafatin Orgullu ho servisu ne’ebé iha  hodi garante nafatin  prestasaun servisu no fo atendementu Saúde diak ba ema hotu. No antes atu termina Direjente Másimu Hospital Referal Maubisse ne’e ható Agradese wain ba Amu Paroco no Autoridade Lokal, no Autoridade Seguransa ne’ebé maka oferese ona tempu hodi partisipa iha Missa Agradesementu ne’e.

“Esperansa ba oin hanesan Timor-Oan ota nafatin Orgullu ho buat hirak ne’ebé iha ona, no obstaklu sira ne’ebé iha sai hanesan referensia atu ba futuru bele halo planu ida diak tuir kbít ne’ebé ita iha. Núne’e bele kuntinua halo melloramentu ba servisu sira ho baje ba Visaun Ministériu Saúde nian dehan katak, Povu Timor Saudavel, Iha Timor-Leste Ne’ebé Saudavel. Molok remata lori Konsellu Administrasaun Hospital Referal Maubisse nia naran ható agradese ba Amu Pároco ne’ebé oferese ona tempu ba loron ohin hodi selebra Missa hamutuk ho ami, Autoridade Lokal sira hotu, Kompañia servisu Limpeza, Segurnasa, Komunidade no Familia bót Hospital Referal Maubisse nian ne’ebé ho voluntáriumente oferese matrial no oferese tempu halo preparasaun ba selebrasaun ida ne’e.” Remata.

Hafoin Missa Agradesementu Amu Pároko, Madres, Administrador Postu Maubisse, Segundu Komandante PNTL Esquadra Maubisse, Direktora Exekutiva Hospital Referal Maubisse, Akompaña husi Funsionariu sira Koa Kek, hafoin han hamutuk.

Antes ida ne’e Amu Pároco Lori Ilhas Meninu Jesus ba Vizita moras sira ne’ebé oras ne’e dadaun halo hela tratamentu no baisa iha Hospital Referal Maubisse.

Jornalista         Moises Magno

Editór              Joaquim Coutinho