Racom Maubisse (20/10/2023) Estevanos Ximenes Magalhães, hanesan Foinsa’e husi Aldea Manumera Suku Mulo Postu Administrativu Hato-Builkco Munisípiu Ainaro ható ninia Prontidaun ne’e Liu husi Rádiu Talk Sesta ne’e iha Studiu Radiu Komunidade Maubisse Mau-Loko (RKMM) (20/10)
Foinsa’e ne’e hateten wainhira hetan konfiansa husi Povu Suku Mulo iha Loron 28 fulan Otubru tinan ne’e pronto servisu hamutuk ho Komunidade hadia no Dezemvolve Suku Mulo diak liu iha Futuru, Tuir nia Moto ne’ebé hateten “Hau Mai Fali Hamutuk Ho Imi, No Ita Hamutuk Halo Mudansa Ba Suku”.
“Karik hetan konfiansa husi Povu la siknifika hau mesak maka atu servisu maibe hau liga fali ba hau nia moto katak, “Hau Mai Fali Hamutuk Ho Imi, No Ita Hamutuk Halo Mudansa Ba Ita Nia Suku”. Ida ne’e maka Polítika ne’ebé hau prepara la signifika hau hetan eleitu ne’e laos ba hau mesak maibe hamutuk fali ho Komunidade atu hadia Suku Mulo ne’e sai diak liu iha futuru.” Hateten Kandidatu Xefe Suku Mulo Postu Administrativu Hato-Builicu Munisípiu Ainaro 20/10/2023.
Tuir Foinsa’e ne’e katak responsabilidade, honestidade, no laiha Diskriminasaun ida ne’e maka save imprtante ba Dezemvolvementu, tamba ne’e wainhira hetan fiar pronto servisu ho transparansia no honestidade ba sidadaun Suku Mulo Hato-Builico Munisípiu Ainaro.
“Vizaun ne’ebé hau rasik sita maka premeiru responsabilidade, honestidade ita kria dezemvolvementu ne’ebé difirente transparante no laiha diskriminasaun. Se Povu tau konfiansa mai hau pronto servisu ho tranparansia no honestidade. Dala barak problema ne’ebé Komunidade sira infrenta maka Enerjia Eletrisidade, Estrada, liga mós ba Saniamentu Be Mos , liu-liu ba Joven sira hanesan ita hatene buat ne’ebé sira públika barak liu maka Turizmu ida ne’e maka potensial”. Tenik Estevon ba Jornalista RKMM.
Kandidatu Xefe Suku Mulo ne’e Kuntinua Komprometidu katak prokupasaun Komunidade Suku Mulo nian ne’ebé mensiona dadaun ne’e nia prontu servisu hamutuk ho komunidade hato proposta ba Governu Sentral hodi Solusiona prokupasaun hirak ne’e.
“Komunidade barak maka sei infrenta kona-ba Estrada, Eletrisidade, no Be Mos ida ne’e sai importansia ba Komunidade tamba karik povu fó konfiansa mai hau maka sai núdar Xefe do Suku Mulo sei buka meus no alternativu hamutuk ho Komunidade sira hato proposta ruma ba ita nia Nai Ulun sira atu fó solusaun ba ida ne’e”. Nia Dehan.
Tamba ne’e atu Kongretija ida ne’e Estevanos Ximenes Magalhães, kuntinua husu apoiu votus iha loron 28 fulan Otubru tinan ne’e iha Gabina de Votu.
“Ba Komunidade sira iha Suku Mulo atu fó hatene hela ba ita bót sira katak, dia 28 keta haluhan imi nia votus fó mai hau, hau hamutuk ho imi ita hamutuk dezemvolve Suku Mulo sai Suku ida ne’ebé maka indepedente no transparan hau hein imi nia votus iha dia 28 keta haluhan vota mai hau, vota Númeru 4.” Hakotu Kandidatu Xefe Suku Mulo Postu Administrativu Hato-Builico Munisípiu Ainaro Estevanos Ximenes Magalhães.
Entertantu Suku Mulo Kompostu husi Aldeia 8 ho nia totál Populasaun 4.000 (Rihun Ha’at), no kandidatu ne’ebé konkore ba Elisaun Suku husi Suku Mulo nian hamutuk nain 11.
Jornalista Moises Magno
Editór Joaquim Coutinho
